Ońtústik Qazaqstan oblysy, Ordabasy aýdanyna qarasty Amangeldi kentinde Muhammed esimdi balaqaıdy urlap ketken egde jastaǵy áıel mámilege 50 myń teńge berip qutylǵysy keledi, - dep habarlaıdy Qamshy.kz TVK arnasyna silteme jasap.
Balanyń ákesiniń aıtýynsha, kúdikti Almaty men Shymkent qalalaryndaǵy psıhologıalyq emdeý ortalyqtarynda em alyp júrgen kórinedi.
Ótken kúni Muhammedtiń úıine ózin urlap áketken ananyń jaqyndary kelgen. Olar óz ara túsinistikke kelý úshin jábirlenýshi tarapqa 50 myń teńge usynǵan. Balanyń ata-anasy olar usynǵan aqshany alýdan bas tartqan. Olar balany urlap áketken áıelge keshirim bergisi kelmeıdi.
Keshirim surap kelýshilerdi shyǵaryp salǵan úı ıeleri olardyń dastarhan astyna aqsha qoıyp ketkenin kórgen. Muhammedtiń ákesi qaıtadan osy iske baılanysty prokýratýra men polısıa qyzmetkerlerin úıine shaqyrtqan. Bala urlaǵan áıelge qatysty sot aldy tergeý jumystary áli jalǵasyp jatyr.
