Óskemendik balanyń oıyny órtke ulasty. Segiz jasar ul otpen oınap otyryp, 79 jastaǵy áıelge tıesili sharýashylyq jaıyn abaısyzda órtep jiberdi, - dep habarlaıdy Qamshy.kz YK-news.kz -ke silteme jasap.
Oqıǵa 29 maýsymda bolǵan. Ekinshi synyp oqýshysy alaý jaǵamyn dep jeke úıdiń aýlasynda ornalasqan qoraǵa bettegen. Onda qaǵaz ben butaqtardy jınap, ot jaǵady. Sońynda lapyldap janǵan ottan qorqyp, bala qashyp ketken. Nátıjesinde garaj ben qora órtke oranǵan.
Órt shyǵarǵan ul tabylyp, polısıaǵa jetkizildi. Garaj ben qorany balanyń otbasy óz qarjysyna salyp beretin bolyp 79 jastaǵy zardap shegýshimen kelisim jasaldy.
