Qaraǵandy oblysy Temirtaý qalasynda tonaý faktilerine qatysy bar degen kúdikpen eki er adam ustaldy, - dep habarlaıdy Qamshy.kz Qaraǵandy oblystyq İİD baspasóz qyzmetine silteme jasap.
«Temirtaý qalasynda qalalyq İİB krımınaldyq polısıa qyzmetkerleri jedel-izdestirý sharalaryn júrgizgen kezde 27 jáne 28 jastaǵy eki jergilikti turǵyndy ustady. Ustalǵandar 25 maýsymda qaladaǵy dúkenderdiń birine qaraqshylyq shabýyl jasaǵanyn moıyndady. Satýshy men kúzetshini oıynshyq tapanshamen qorqytqan olar 130 myń teńge kóleminde aqsha jymqyrdy», - delingen habarlamada.
Polısıa aqparatynsha, ustalǵandar Temirtaýda osy sıaqty jeti qylmys jasaǵanyn moıyndady.
«Barlyq fakti boıynsha qylmystyq ister qozǵaldy. Kúdiktiler qamaýǵa alyndy», - dep qosty İİD baspasóz qyzmetinde.
