Astanada bir qyz 22-qabattan qulap ketti, - dep habarlaıdy Qamshy.kz Tengrinews.kz -ke  silteme jasap. Qaıǵyly oqıǵa 2 shildege qaraǵan túni "Baıqońyr" turǵyn úı kesheninde bolǵan.

"Meniń kóligim qyz qulap túsken mańda turǵan. Kóligimniń dabyly qosyldy. Men túskenshe polısıa qyzmetkerleri, jedel toptar, tergeý toptary, krımınalıser kelip jetti. Kólik qorshaýda turǵanda kútýge májbúr boldym. Kóligim úıdiń kireberisiniń aldynda turǵan. Soǵan qaraǵanda qyz balkonnan qulap túsken. Iaǵnı saty men lıfttiń arasynda", - dedi kýáger.

Ol mert bolǵan qyzdyń bul úıde turmaıtynyn aıtty. "Polısıa qyzmetkerleri turǵyndardan surastyrdy, qyzdyń munda turatynyn eshkim rastamady", - dedi úıdiń turǵyny.

Keshe Qadyr túi bolyp, aýlada kóp adam bolǵan, kóbi kóripti. Áıelim tars etken daýys estipti, dabyl qosylyp ketti", - dedi ol.

"Osy derek boıynsha tekseris júrip jatyr. Sot-medısınalyq saraptama taǵaıyndaldy. Aldyn ala nusqa - sýısıd. Tekseris barysynda qyzdyń aty-jóni anyqtaldy - Qostanaı oblysynyń 19 jastaǵy turǵyny", - dep habarlady polıseıler. 

"Týystarynyń aıtýynsha, qyz sońǵy kezde olarmen kóp janjaldasqan. Al maýsym aıynyń ortasynda elordaǵa kóship kelipti, jumys tapqysy kelipti. Ol JOO stýdenti emes", - dep habarlady baspasóz qyzmetiniń ókilderi.