Aqtóbede maýsym aıynda "Pallada" qarý-jaraq dúkeni men №6655 áskerı bólimine qarýly shabýylǵa qatysqan toǵyz adamdy eki aıǵa qamaýǵa alý túrindegi bultartpaý sharasy tańdaldy, - dep habarlaıdy Qamshy.kz Tengrinews.kz -ke silteme jasap.
Bul týraly Aqtóbe oblystyq sotynyń baspasóz qyzmetiniń ókilderi redaksıanyń resmı saýalyna bergen jaýabynda habarlady.
"Aqtóbe qalalyq №2 sotyna "Pallada" qarý-jaraq dúkeni men №6655 áskerı bólimine qarýly shabýylǵa qatysqan 16-29 jas aralyǵyndaǵy 9 adamǵa qatysty qamaýǵa alý túrindegi bultartpaý sharasyn tańdaý týraly ótinish kelip tústi", - delingen jaýapta.
Sonymen qatar, baspasóz qyzmetindegilerdiń aıtýynsha, Aqtóbe qalalyq №2 sotynyń tergeý sýdıasynyń qaýlysymen bul adamdardy qamaýǵa alý túrindegi bultartpaý sharasyn tańdaý týraly ótinish qanaǵattandyryldy. 2016 jyldyń 8 jáne 14 maýsymynda 2 aı merzimge qamaýǵa alý túrindegi bultartpaý sharasy tańdaldy.
Eske salaıyq, 5 maýsymda Aqtóbede lańkester toby qarý-jaraq dúkenderine jáne áskerı bólimge shabýyl jasaǵan bolatyn. Qalada antıterrorıstik operasıa rejımi belgilendi. Lańkesterdiń shabýylynyń saldarynan jeti ajam qaza tapty, olardyń úsheýi áskerıler. 18 lańkestiń kózi joıyldy.
