Búgin Qyzylorda qalasynda jeke turǵyn úı qurylysy  úshin 6 600 azamatqa jer telimi berildi, - dep habarlaıdy Qamshy.kz.

2013 jyly Qyzylorda-Jezqazǵan temirjoly tas jolynyń boıynan jańa shaǵyn aýdanǵa 980 gektar jer bólingen bolatyn. Al bıyl osy jobaǵa 9,9 mlrd teńge bólý týraly sheshim qabyldanǵan. Qysqa deıin bul qarjyǵa 75 shaqyrym jol tóselip, 353,1 shaqyrym sý qubyry, 112 shaqyrym gaz qubyry men 152 shaqyrym elektr jelisi tartylmaq jáne podstansıa salynady. 

Aıta keteıik, Qyzylorda qalasynda 2004 jyldan beri eshqandaı jer telimi berilmegen. Óıtkeni QR jer kodeksine sáıkes (44-bap, 5-3 tarmaq) jeke turǵyn úı qurylysyn salý úshin jer ýchaskelerin berý sý jáne elektr jelilermen qamtamasyz etilgen alańdar daıyn bolǵan jaǵdaıda tabystalatyndyǵy atap kórsetilgen. Sondyqtan paıdalanýǵa berilip jatqan jer telimderi zań talaptaryna saı qajetti ınfraqurylymmen jabdyqtaý jumystary júrgizildi.

«Báıterek» dep atalatyn jańa móltek aýdanda 36 myńǵa jýyq halyq turatyn bolady. Bul jerde 1 dıagnostıkalyq ortalyq, 260 tósektik 1 aýrýhana men aýyssyman 100 kelýshige arnalǵan balalar jáne áıelderge keńes berýemhanasy, aýysymyna 200 adam qabyldaı alatyn 1 emhana, 280 oryndyq 4 balabaqsha jáne 900 oryndyq 5 mektep boı kóteredi. Sondaı-aq jańa móltek aýdanda stadıon, meshit pen mádenıet úıi, demalys saıabaq qurylysyn júrgizý josparlanǵan.

Sharaǵa oblys ákimi Qyrymbek kósherbaev qatysyp, jer ıelerin qýanyshtarymen quttyqtady.

El táýelsizdiginiń 25 jyldyǵy men Astana kúnine oraı oılastyrylǵan merekelik sharaǵa osy jańa qonysqa 25 kıiz úı tigildi. Qazaq kúresi, qol kúres, arqan tartý sıaqty ulttyq sport túrlerinen jarystar ótti. 

Aıta keteıik, Qyzylordada jalpy 49 myńnan astam turǵyn kezekte turǵan.