Qazaqstan Respýblıkasynyń Prezıdenti Nursultan Nazarbaevtyń qazaqstandyqtardy Oraza aıt merekesimen quttyqtady, dep habarlaıdy Qamshy.kz Aqordanyń baspasóz qyzmetine silteme jasap.

Qurmetti otandastar!

Barshańyzdy musylmandardyń qasıetti Oraza aıt merekesimen quttyqtaımyn!

Ramazan - adamzat balasyn rýhanı tazarý arqyly meıirimdilik pen sabyrlylyqqa jeteleıtin ulyq ta qasıetti aılardyń biri.

Oraza aıttyń shýaqty kúnderinde musylmandar bir-birine aıttap, jyly lebizderi men izgi tilekterin bildiredi.

Muqtaj jandarǵa qol ushyn sozyp, qýanyshqa keneltý de - qasıetti merekeniń jarqyn kórinisteriniń biri.

Oraza aıt - bir shańyraqtyń astynda aýyzbirshilik pen kelisimde ómir súrip jatqan barsha qazaqstandyqtardy biriktire túsetin yntymaq meıramy.

Osy myzǵymas qundylyqtarymyzdyń arqasynda biz Táýelsizdik alǵannan bergi 25 jylda qarqyndy túrde damyp kelemiz.

Qasterli Qazaqstan jerinde ótetin álemdik jáne dástúrli dinder lıderleriniń sezi órkenıetter úndestigine súbeli úles bolyp qosylýda.   

Oraza aıt merekesindegi ıgi ister ıslamnyń qaıyrymdylyq pen meıirimdiliktiń, ózara kómek pen janashyrlyqtyń dini ekenin aıshyqtaı túsedi.

Qasıetti meıram kúnderi árbir shańyraqqa shattyq pen densaýlyq, ıgilik pen baq-bereke tileımin.

Elimizde birlik pen kelisim saltanat qura bersin!  

Oraza aıt merekesi qutty bolsyn!