Elimizdiń aýqatty azamattary qarjysyn reseıdiń kompanıalaryna quıyp jatyr, - dep habarlaıdy Qamshy.kz KTK arnasyna silteme jasap.
Qazaqstan qor bırjasy keltirgen málimetke sensek, qaltaly qandastarymyzdy kóbine - «Rostelekom», «Gazprom», «Aeroflot» syndy alyptardyń aksıalary qatty qyzyqtyrady eken.
Nátıjesinde, Qazaqstan qor bırjasyndaǵy saýda kólemi 49 trıllıon teńgege deıin jetipti. Buryn-sońdy bolmaǵan mundaı aqsha aınalymyn qarjygerler qundy qaǵazdarǵa degen qyzyǵýshylyqpen túsindirip otyr. Bırjadaǵylar búgin ulttyq valútamyzdyń qazirgi halin de sóz etti. Birde kóterilip, birde túsken teńge bul kúnderi biraz turaqtady deıdi mamandar. Qazirgi satý baǵasy -1 dollar 338 teńge. Degenmen, sońǵy kezde qyrǵyz somy kúsheıipti. Aqsha aıyrbastaý oryndarynda 1 som 5 teńgege deıin qymbattap, áne-mine reseı rúblimen teńesýge shaq tur. Biraq muny qarjygerler qalypty dep qabyldap, tipti, tól teńgemizdi bir mysqyldap ta aldy.
Andreı Salúk, «Qazaqstan qor bırjasy» AQ Basqarma tóraǵasy orynbasary:
-Qalaı degenmen de teńge sońǵy eki aıdyń ishinde aıtarlyqtaı turaqtaǵan. Muny munaı baǵasynyń kóterilýimen túsindiremiz. Biraq, ári qaraı da osylaı bolady boljap aıtý qıyn. Óıtkeni, teńgeniń baǵamy syrtqy ekonomıkalyq faktorlarǵa tikeleı baılanysty.
