18 shilde kúni Almaty qalasynda ótken terrorlyq áreket týraly álemniń buqaralyq aqparat quraldary keńinen jazyp jatty. Japonıa BAQ-y da Ortalyq Azıanyń eń damýshy elinde ótken oqıǵa týraly málimetter taratty, - dep habarlaıdy Qamshy.kz.

Máselen, «NHK» 18 shilde, jergilikti ýaqyt boıynsha 22 saǵat 09 mınýtta «Qazaqstannyń eń úlken qalasynda qarýly qaqtyǵys ótip, tórt kisi mert boldy» degen taqyryppen jańalyq taratty. «Orta Azıadaǵy Qazaqstannyń eń iri qalasynda 18 kúni buzaqylar polısıa bólimshesine shabýyl jasap, qarýly qaqtyǵys bolyp, tórt polıseı jaralandy» delingen sol ýaqytta taraǵan «NHK» aqparatynda. «Qazaqstan munaı men ýran óndirisi arqyly joǵary ekonomıkalyq damýǵa qol jetkizgen, Ortalyq Azıadaǵy qaýipsiz el retinde belgili. Biraq ótken aıda Soltústik Batystaǵy Aqtóbe qalasynda buzaqylar áskerı mekemege shabýyl jasap, jeti adam qaza taýyp, bul oqıǵanyń Islam memleketi ekstremıstik uıymymen baılanysy bar dep kórsetilgeni tárizdi qaýipsizdikke qater tóndirgen oqıǵalar oryn alýda» deıdi «NHK» jańalyqtary.

«AFPBB News» Qazaqstannyń eń úlken qalasy Almatyda 18 kúni bolǵan qarýly qaqtyǵys týraly jaza kele, atalmysh oqıǵany Prezıdent N.Nazarbaevtyń «terrorlyq akt» dep ataǵanyn jazady. «AFPBB News» sondaı-aq, maýsym aıynyń besinshi juldyzynda «Reseımen shekaraǵa jaqyn Aqtóbe qalasynda qarý dúkeni men áskerı  nysanǵa shabýyl jasaý áreketi jaıynda aqparat beredi.

Al «CNN.co.jp» Almatydaǵy oqıǵa jaıynda habar tarata otyryp, Qazaqstannyń Orta Azıadaǵy eń qaýipsiz el ekenin, «ekstremıstik uıymnyń shabýyly respýblıkada buryn-sońdy  bolmaǵan edi» deıdi.

Sharafat Jylqybaeva,