Almatydaǵy atystan qaıtys bolǵan polıseılermen qoshtasý rásimi Balýan sholaq sport kesheninde ótedi, - dep habarlaıdy Qamshy.kz.

Bul týraly Almaty qalasynyń ákimi Baýyrjan Baıbek QR Úkimet otyrysynda aıtty.

-Qaza tapqandar Almaty oblysynyń týmalary. Sondyqtan úsh polıseıdiń týǵan-týystary máıitti alyp ketti. Meniń orynbasarym sonda attandy. Oblys ákimi polısıa qyzmetkerlerin aqtyq saparǵa shyǵaryp salý boıynsha tapsyrma berdi. Erteń, 20 shilde tańerteń saǵat 10:00-de Balýan Sholaq sport kesheninde resmı qoshtasý rásimi bolady, - dedi Baýyrjan Baıbek.

Sondaı-aq, búgin Almatylyqtar aza tutyp, atys bolǵan jerlerde qaza bolǵandarǵa gúl shoqtaryn qoıdy.

Aıta keteıik, keshe 19 shilde terakt áreketinen úsh polıseı men bir beıbit turǵyn qaza tapsa, búgin taǵy bir polıseı qyzmetkeri aýrýhanada qaıtys boldy.