Atys kezinde qaza bolǵan QR UQK qarasty Shekara qyzmetiniń 2177 áskerı bóliminiń aǵa tehnıgi Azamat Ázimjanov óz jumysyn maqtanysh etken, - dep habarlaıdy Qamshy.kz BNews.kz - ke silteme jasap.

«Azamat jumysyn jaqsy kórdi. Bala kezinen áskerı qyzmetker bolýdy armandady, sol maqsatqa umtyldy. 2013 jyly aǵa leıtenant ataǵyn alǵanyn qýanyshpen habarlap, fotosýretterin jibergen bolatyn. Onyń qazasy qabyrǵamyzǵa qatty batty. Tutqıyldan kelgen ajal jalmap ketti. Azamat óte adal, aqkóńil, jany taza bolatyn. Elimiz taǵy bir arystaı azamatynan aıyryldy», – dedi opat bolǵan jigittiń dostary.

Azamat Ázimjanov 1993 jyly Almaty oblysynyń Panfılov aýdanyndaǵy Pıdjın aýylynda týǵan. 2010 jyly merzimdik qyzmetke shaqyrylyp, 2013 jyly Voronejdegi Reseı Qorǵanys mınıstrligine qarasty Jýkovskıı jáne Gagarın atyndaǵy Áskerı-áýe akademıasyn támamdap, aǵa leıtenant ataǵyn alǵan. Sońǵy qyzmet etken orny - Qazaqstan Respýblıkasynyń Ulttyq qaýipsizdik komıtetiniń Shekara qyzmeti.

18 shilde kúni UQKD qyzmetkerlerinen boı tasalaǵan lańkes Rýslan Kýlıkbaev onyń kóligin ıemdenýshi úshin atyp tastaǵan.

Azamat otbasy quryp úlgergen joq. Artynda ata-anasy men qaryndasy qara jamylyp qaldy.