Almaty qalasyn Gogol-Zenkov-Maqataev-Abdýllınder kósheleriniń arasynda ishki ister organdary jedel izdestirý sharasyn ótkizýde, - dep habarlaıdy Qamshy.kz Almaty qalasy İİD baspasóz qyzmetine silteme jasap.

Baspasóz qyzmeti atalǵan is-sharanyń 18 shildede Almaty qalasynda bolǵan teraktige qatysy joqtyǵyn habarlady.

Sondaı-aq, baspasóz habarlamasynda «Barlyq azamattardyń sabyrlyq saqtaýyn suraımyz. Tek resmı aqparattardy ǵana basshylyqqa alýdy jáne tekserilmegen málimetterdi taratpaýdy suraımyz. Jalǵan aqparat taratý QR Qylmystyq kodeksiniń 274-baby boıynsha qylmystyq jaýapkershilik júkteıtinin esterińizge salamyz», - delingen.

Esterińizge salsaq, 18 shilde kúni Almaty qalasynda R. Kúlikbaev degen azamat aýdandyq polısıa basqarmasy men UQK departamentine shabýyl jasap, 6 adamdy óltirdi. Onyń tórteýi – polısıa qyzmetkeri, bireýi zeınetker, endi biri – shekara qyzmetiniń ofıseri. Sondaı-aq, onyń sol oqıǵadan buryn «Almatyda jeńil júristi Ózbekstan Respýblıkasynyń azamatshasyn óltirgeni» habarlandy.

Polıseıler men beıbit azamattarǵa oq atqan kúdikti qamaýǵa alynǵan bolatyn.