Túrkıanyń tarıhı iri shaharynyń turǵyndary uıaly telefondaryna áli kúnge deıin alańǵa shyǵýǵa shaqyrý habarlamasy túsip jatqanyn aıtýda.  Bul týraly Segodná.ua-ǵa silteme jasap Qamshy.kz jazady.

15-16 shildede bolǵan oqıǵadan beri Stambul men Ankara kósheleri polısıa kúzetiniń baqylaýynda.  Aqparattyq portal jýrnalısine suhbat bergen Ystambul turǵyndary búginde  bul óńirde kimniń nemen aınalysyp jatqany belgisiz, azamattyq soǵys bastala ma degen úreı baryn aıtqan. «Biz úshin óte qıyn kezeń bastaldy, azamattarǵa qaýip tónýde» deıdi Erdjan Iılmaz esimdi Ystambul turǵyny. Ol óz basy Erdoǵandy qoldamaıtynyn biraq demokratıa men bostandyqty jaqtaıtynyn jetkizgen.

Esterińizge sala keteıik, 15 shilde kúni túnde Túrkıada memlekettik tóńkeris jasaýshylardy úkimet basyp tastaǵan bolatyn. Biraq el ishi áli de tynysh emes kórinedi. Túrik bıligi tóńkeristi uıymdastyrýǵa oppozısıoner ýaǵyzshy Fethýllah Gúlenniń qatysy bar dep sanaıdy. Túrkıanyń Ádilet mınıstrligi búginde AQSH-ta turyp jatqan Erdoǵannyń qarsylasyn ekstradısıalaý týraly suraý jiberdi.