Almaty polısıasy qandy-qyrǵyn jasaǵan Kúlikbaevtyń sońǵy ýaqytta jaldap turǵan páterin tekserdi, - dep habarlaıdy Qamshy.kz İİD baspasóz qyzmetine silteme jasap.
Kúdiktiniń jaldamaly páterin tekserý barysynda barlyq qaýipsizdik sharalar saqtalǵan jáne tyıym salynǵan qaýipti zat tabylmaǵan.
-Kúdikti Kúlikbaev turǵan kóppáterli úıdiń turǵyndary evakýasıalandy. Terıtorıa qorshaýǵa alynyp, qaýipsizdik saqtaldy. Tekseris barysynda qolǵa túsken kúdiktiniń jaldamaly páterinen qaýip tóndiretin tyıym salynǵan zattar tabylmady, - deıdi İİD resmı ókili Saltanat Ázirbek.
Kúlikbaevqa qatysty QR QK 99 baby, 2 bólimi, 269 baby, 2 bólimi, 380 baby, 2 bólimi, 255 baby, 4 bólimi, 291 baby, 1 bólimi, 200 baby, 4 bólimi boıynsha sotqa deıingi tergeý amaldary jalǵasýda. Berilgen faktiler Almaty qalasy Almaty aýdandyq İİB jáne Almaty qalasy boıynsha UQKD sotqa deıingi tergeýdiń biryńǵaı reestrine tirkeldi.
Júrgizýshige qaraqshylyq shabýyl jasaý jáne áıel adamdy óltirý faktisi QR QK 99 baby, 1 bólimi jáne 192 baby, 2 bólimi boıynsha tergelýde. Kórsetilgen qylmystardy tergeý maqsatynda mekemearalyq tergeý toby quryldy.
