Reseı Federasıasynyń Qorǵanys mınıstrligi Batys Qazaqstan oblysynda 2 mln gektardan astam jerdi jalǵa alǵan. Reseı tarapy 1 mln 400 myń gektar polıgondy qaıtaryp berdi. Bul týraly Aımaqtyq ortalyq komýnıkasıalar qyzmetindegi brıfıń barysynda belgili boldy, - dep habarlaıdy Qamshy.kz BNews.kz-ke silteme jasap.

«Qazir kórshi eldiń ıeliginde jalǵa alynǵan 945 myń gektar jer bar. Ol úsh sanatqa bólinedi. 150 myń ga birinshi sanatqa jatady. Munda tipti kirýge ruqsat joq. Qalǵan jerde fermerler mal baǵyp, shóp orýda. Bul aýmaqta 97 sharýa qojalyǵy jumys isteıdi», - dep atap ótti BQO Bókeı ordasy aýdanynyń ákimi Nurlan Rahymjanov.

Bıyl Reseı 1 mln 400 myń gektar jerdi qaıtaryp berdi. Qazir ýchaskelerdi bólýge qajetti qujattar daıyndalyp jatyr.

Sonymen qatar úkimettik deńgeıde kelisilýi tıis taǵy bir másele bar.

«Bókeı ordasy aýdany aýmaǵy arqyly kún saıyn 5 jolaýshylar jáne 11 júk poıyzy ótedi. Olardyń eshqaısy toqtamaıdy. Máseleni turǵyndar únemi kóterip keldi. Bul problema sheshiledi degen úmittemiz», - dep atap ótti N.Rahymjanov.

Aıta ketý kerek, Reseıdiń «Azǵyr» jáne «Kapýstın Iar» polıgondarynyń aýmaǵy Atyraý oblysy Qurmanǵazy aýdanynyń soltústik bóligimen jáne BQO Bókeı ordasy jáne Jańaqala aýdandarymen shektesip jatyr. Munda 28 myń adam turatyn 39 eldi meken ornalasqan.