Túrkıa jýrnalıseri 15-16 shildede bolǵan áskerı tóńkeristi el basshysynyń ózi uıymdastyrǵan dep kúdiktenýde. Bul týraly túrik aqparat kózderi habarlaıdy. Túrik jýrnalıseri el basshysy men Basshtabtyń málimdemelerinde kóptegen qaıshylyqtar baryn anyqtaǵan soń osyndaı pikirge kelgen. Máselen, áskerı tóńkeris týraly aqparattyń túsýi týraly málilmetter bir-birine saı kelmeıdi. «Cumhurriyet» basylymynyń jazýynsha, Túrkıanyń áskerı áýe kúshteriniń bas qolbasshysy Abıdın Ýnal tóńkeris kezinde qol astyndaǵy qyzmetkeriniń qyzynyń úılený toıynda, Stambul shaharynda bolǵan. Ony basqa da joǵary sanatty sheneýniktermen birge búlikshiler tutqyndap áketken. Gazet jýrnalısi bas qolbasshy tóńkeris týraly aqparatty alǵan soń birneshe saǵattan keıin Stambulǵa toıǵa ketkenin aıǵaqtap otyr.
Sondaı-aq, tóńkeris kezinde Marmarıste demalyp jatqan Erdoǵannyń qonaqúıge shabýyl jasalǵanǵa birneshe mınýt qalǵanda aman-esen sytylyp shyǵýy da kúdikti. Sonda tóńkerisshiler qonaqúıdi jarý úshin bara tura Prezıdentti nelikten «aman jibergen»? «Al-Monitor» avtory Djengız Chandar «Tóńkerisshiler Erdoǵannyń Ankarada da, Stambulda da emes, Jerorta teńizinde demalyp jatqanyn bile tura, ony tutqyndamaǵan. Prezıdenttiń Marmarısten jaqyn jerdegi áýejaıǵa jetýine múmkindik bergen, sóıtip ol bir saǵat ishinde Stambulǵa kelgen» deıdi jýrnalıs.
Sondaı-aq, tóńkerisshiler reıtıńi tómen TRT kanalyn basyp alǵan, reıtıńi joǵary BAQ-dy alýǵa talpynbaǵan. Ol kezde bedeldi BAQ-y bıliktiń halyqqa úndeýin naısqattap jatqan. Jeńilis tapqan tóńkeris áreketin kim uıymdastyrdy jáne barlyǵy nelikten aqymaqtyń tirligi bolyp shyqqanyna qatysty jaýaptan góri suraq kóp» dep jazady, túrik sarapshysy. Djengız Chandardyń pikirinshe, tóńkeristi uıymdastyrýshylardyń tez arada ustalýynyń ózi kúmán týdyrady. «Menińshe, Erdoǵan óz adamdarymen birge Batys kúshteriniń qoldaýymen de bolar, jasandy tóńkeristi uıymdastyrǵan» deıdi ol.
Sondaı-aq, tóńkeristen soń ile-shala myńdaǵan joǵary laýazymdy qyzmetkerdiń jumystan qýylyp, tutqyndalýynyń ózi kúmándi oıǵa jeteleıtini anyq. Al halyqaralyq sarapshylar Erdoǵan ózine unamaıtyn, Fethýllah ıdeıasyn jaqtaýshy kóptegen sheneýnikterden osyndaı tóńkeris arqyly arylmaq bolýy múmkin ekenin aıtýda.
Dana Qamshybek
