Búgin Pavlodarǵa Nıssadaǵy terakt kezinde mert bolǵan Lúbov, Marına jáne Sılvıa Panchenkolardyń máıitteri jetkizildi, - dep habarlaıdy Qamshy.kz QazAqparatqa silteme jasap.

Ushaqta qaza tapqan áıeli, qyzy jáne nemeresimen Leonıd Panchenko, sonymen qatar  Marınanyń kúıeýi Túrkıa azamaty boldy.  Áýejaıda olardy otbasynyń týystary men jaqyndary qarsy aldy.   

Olardyń habarlaýynsha, erteń saǵat 11.00-de Blagoveshensk kafedraldy soborynda terakt qurbandaryn aqtyq saparǵa shyǵaryp salady. 

Eske sala keteıik, qaıǵyly oqıǵa 14 shildede Nıssa qalasynda (Fransıa) oryn aldy. Nıssa jaǵalaýynda Bastılıa qamalyn alý kúnin toılaý barysynda júk kóligi adamdardy janshyp ótken.  Qaza tapqandardyń qatarynda Panchenkonyń januıasy boldy. Sol teraktide 85 adam ajal qushty.

Áıeli, qyzy jáne nemeresiniń ólimi týraly L.M.Panchenko 17 shildede ǵana bildi.

Qurbandardyń múrdelerin Qazaqstanǵa tasymaldaýǵa ketken barlyq shyǵyndy fransıalyq tarap ótedi.