Qazaqstanda týrızmine kimdi kinálaımyz?

Qazaqstandyq demalys oryndarynynyń meıramhanalarynda tipti dárethana aqysy da esepshotqa jazylady, - dep jazady Qamshy.kz.

Daulet Koke esimdi Feısbýk qoldanýshysy jelige meıramhana esepshotynyń sýretin salyp, jeli qoldanýshylary onda qosylǵan dárethana aqysyn synǵa aldy.

«Býrabaıǵa bardym. Dárethana – meıramhana aqysyna kiredi – bul keremet! Týrızm damyp keledi!» dep jazdy foto avtory.

Meıramhana esepshotynyń túbirteginde dárethana aqysy 50 teńge ekeni kórsetilgen.

Al jeli qoldanýshylary demalys ornynda bul burynnan bar nárse kenin aıtyp, jarysa jazýda.

Foto avtoryn qoldaǵan jeli qoldanýshylary Qazaqstannyń týrızm salasy úshin uıat nárse ekenin aıtýda.

«Másele aqshada emes, mentalıtette. Siz elestetip kórińizshi, kelgen týrıser ne aıtady... Qazaqtar bizdiń dárethanaǵa óansha ret barǵanymyzdy sanady dep aıtady...» degen Jolaman Abylǵazın qazaqstandyqtar mundaı baǵaǵa óz elimizde demala almaıtynyn, sondyqtan arzan dep, shetelde demalatynyn alǵa tartty.

Birshama jeli qoldanýshylary muny durys emes  dep dattap jatqanda, meıramhananyń as aqysyna dárethana aqysyn qosqandy durys dep sanaıtyndar da pikir bildirip jatty.

«Men olardy túsinemin. Biz de onda demaldyq, olardyń tarıfteri barlyq jaǵynan aqtaıdy» degen Madına Jakánova esimdi qoldanýshy Býrabaıda qoǵamdyq dárethanalardyń joqtyǵyn, sol úshin demalýshylar kez-kelgen meıramhana kirip, ol jerdiń qonaǵy bolmasa da dáret syndyryp ketetinin aıtqan qoldanýshy meıramhana dárethanasynyń tym lastanyp ketetinin jazdy.

«Bul kim qalaıdy sol kire beredi. Al dárethananyń tazalyǵyn baqylaýdy eshkim qalamaıdy. Tazalyq úshin 50 teńge arzymaıtyn nárse» deıdi madına Jakánova.

Tamaqtaný aqysyna dárethana baǵasyn qosqan «Jumbaqtas» meıramhanasynyń Feısbýktegi paraqshasynda da bul máselege qatysty resmı jaýap berildi.

«Biz bes jyl boıy bul qyzmetti tegin-aq qylǵanbyz. Alaıda qoldanýshylar bastaryn, aıaqtaryn jýyp, lastaı bergen soń aqyly qyldyq. Óıtkeni syrtta qoǵamdyq dárethana joq. Bizdegi tym lastanyp ketetin bolǵandyqtan bul qyzmetti aqyly qylýǵa májbúr boldyq» degen  meıramhana úılestirýshileri Býrabaıdaǵy dárethana – qoǵamdyq problema ekenin, bul máselemen ákimdik aınalysý kerektigin alǵa tartqan.

Tilshilerge bergen jaýabynda Investısıa jáne damý mınıstriniń keńesshisi Táńirbergen Berdiońǵar bul máselede eń birinshi sol mekemeniń ımıjine keri áser etetinin aıtty.

Onyń pikirinshe, Qazaqstannyń týrızm salasynda biryńǵaı standarttaryn ustanýǵa tıis jáne demalys úshin ınfraqurylymdy qamtamasyz etý úshin jergilikti atqarýshy organdarǵa mindetteý kerek.

-Standarttar ınfraqurylym qajetti mólsherimen qamtamasyz etý maqsatynda oblystyń jergilikti atqarýshy organy (jaǵajaı, kıim aýystyrý, ájethana jáne dýsh úshin oryndar) mindetteıtini bar. Men osy másele boıynsha Aqmola oblysynyń ákiminiń orynbasary Vladımır Balahonsevke suranys jiberdim. Jaýaby aldaǵy ýaqytta keledi, - dedi mınıstr keńesshisi.

Al áleýmettik jeli qoldanýshylary Qazaqstan týrızmin damytýdy osyndaı usaq-túıekten bastaý kerektigin aıtýda.

Qalaı degenmen de, syrttan kelýshi týrıserdiń tamaqtaný aqysyna dárethana baǵasyn qosý – sol mekemeniń emes, Qazaqstannyń ımıjine uıat ekenin eskerý kerek.