Almatyda qoǵamdyq kólikke tólem termınaly ornatylǵan, - dep habarlaıdy Qamshy.kz.

Qala ishinde №92 baǵytta qatynaıtyn avtobýs ishine qalte telefon, komýnaldyq, basqa da qyzmet aqysyn tóleıtin termınal ornatylǵan. Qoǵamdyq kóliktegi mundaı «jańalyqqa» kezdeısoq kýá bolǵan jýrnalıs Baýyrjan Karıpov tólem termınalynyń jolaýshylarǵa qolaısyzdyq týdyrýy múmkin ekenin aıtady.

«Avtobýs júrgizýshisi termınaldyń bir aı buryn qoıylǵanyn aıtady. Júrgizýshiniń sózine sensek, apparatty kólikke avtopark basshysy qoıǵyzǵan. Júrgizýshi termınaldyń jolaýshylardyń «Ońaı» kólik kartasyn toltyrýyna qolaıly ekendigin aıtyp otyr. Menińshe, bul bastama ómirsheń bolmaıtyn sıaqty. Qazir jaz mezgili, qalada árli-berli júrgen adam azaıdy. Stýdentter aýyldaryna qaıtty, biraz jurt jazǵy demalysta degendeı. Al, myna termınal bolsa, kemi bir adamnyń ornyn alyp tur. Jaz aıaqtalyp, stýdentter oralǵanda avtobýstar ishinde «prestelý» qaıta bastalady. Sol kezde bul apparattyń qırap qalmaıtynyna, jolaýshylarǵa qolaısyzdyq týmaıtynyna kim kepil? Odan da, avtobýstardyń sanyn kóbeıtýdi oılaǵan jón sıaqty. Al, tólem kartasyn toltyrý úshin kóp oryn almaıtyn yqsham termınaldardy paıdalanýǵa bolady ǵoı», - deıdi jýrnalıs.

Sondaı-aq, jýrnalıs avtobýs júrgizýshisiniń jumystan shyǵyp qalýy múmkin ekenin alǵa tartyp, atyn ataýdan bas tartqanyn aıtady.