Jumys saparymen SHQO-ǵa kelgen Memleket basshysynyń nazaryna tuńǵysh qazaqstandyq elektromobıl tanystyryldy, - dep habarlaıdy Qamshy.kz Altaynews.kz -ke silteme jasap.

Qarapaıym elektrden qýat alatyn KIA Soul EV mıkroveni osydan bir jyl buryn qurastyrylǵan eken. Bul kólik qýaty 200 shaqyrymǵa deıin jetetin polımerlik lıtıı-ıondy batareıasymen jabdyqtalǵan. Elektrqozǵaltqyshynda 110 attyń kúshi bar. Al jyldamdyǵyn saǵatyna 145 shaǵyrymǵa deıin jetkize alatyn kórinedi. Ony Elbasyǵa tanystyrmas buryn túrli synaqtardan ótkizilip, jyldyń ár mezgilindegi klımatqa tózimdiligi tekserilipti. Kóliktiń akkýmolátory qysta jylytyp, jazda salqyndatatyn qaptamamen qorǵalǵan. Prezıdent bul saladaǵy asa joǵary tehnologıanyń Qazaqstan aýmaǵynda ıgerilgenine rızashylyǵyn bildirdi.

- Men búgin el damýynda mańyzy zor Óskemendegi «Azıa Avto» kásipornynda boldym. Bul kásiporyn qurylǵanǵa deıin Qazaqstan avtomobıl shyǵaryp kórmegen. Ázirge munda qurastyrý óndirisi jolǵa qoıylǵan. Álemniń barlyq elderi osylaı qurastyrýdan bastaǵan. Sol arqyly adamdaryn úıretip, keıin birtindep jergilikti mazmundy arttyrǵan, sońynda tolyqtaı ózderi óndiretin bolǵan. Zaýyttyń jas mamandarymen, osynda istep júrgen «Bolashaq» túlekterimen sóılestim. Bizdiń qazaq jastary mundaı óndiriske eshqaýytta jiberilmeıtin bolǵan. Solardy kórgenime qatty qýanyp otyrmyn. Óziniń mamandyǵyn joǵary deńgeıde ıgergen, shetelderge baryp úırengen jastarmen kezdestim. Bizdiń shyǵaryp otyrǵan kólikterimizdiń eń arzany jeti myń, eń qymbaty 15 myń dollar turady. Mundaı baǵa halyqqa da jaıly, básekege de qabiletti dep sanaımyz. Bul kólikterimizdi kórshilerimizge de satamyz, - dedi Elbasy. 

Esimjan Naqtybaıuly