Oblys ákimi Danıal Ahmetov Sibe kólderine deıingi joldy jóndeýge qazynadan 1 mıllıard teńgege jýyq qarjy bólinip otyrǵanyn atap ótti, - dep habarlaıdy Qamshy.kz Altaynews.kz -ke silteme jasap.

Alaıda, aımaq basshysy atalmysh demalys oryndaryna qatysty biraz túıtkildi máselelerdiń basyn ashty. Atap aıtsaq, birinshi kól tolyq jekeshlendirilgen, ekinshi jáne úshinshi kólderdiń jaǵasy da jeke menshikke satylyp, demalys úıleriniń qurylystary beıbereket júrip jatyr. Iaǵnı, qarapaıym qala turǵyny úshin kól jaǵasynda demalýda kedergiler bar. 

Osyǵan baılanysty ákim óziniń orynbasary Jaqsylyq Omardyń jetekshiligindegi komısıany qurýdy, ol komısıaǵa Ulan aýdanynyń ákimimen birlese atalmysh rekreasıalyq aýmaqtaǵy jerlerdiń qashan, qalaı jáne kimderge úlestirilgenin, onyń zańdylyǵyn túbegeıli tekserýdi, nátıjelerdi tamyz aıynda baıandaýdy tapsyrdy.

Erjan Ábish