Qazaqstan oblysynyń polıseıleri óńirde qylmystyq jaǵdaıdy turaqtandyrý boıynsha maqsatty baǵyttalǵan naqty jumystar júrgizýde, - dep habarlaıdy Qamshy.kz Altaynews.kz -ke silteme jasap.

Jyl basynan beri ishki ister organdary qyzmetkerleri 6 myńnan astam qylmysty ashty. Qylmystyń 2%-ǵa tómendeýine qol jetkizildi. Onyń ishinde asa aýyr qylmystar – 20%-ǵa, tonaýlar – 19%-ǵa, qaraqshylyq shabýyldar 13%-ǵa, buzaqylyq – 28 %-ǵa, alaıaqtyq qylmystar sany – 25%-ǵa deıin azaıǵan.

2016 jyldyń basynan beri oblys polıseıleri urlyqpen aınalysqan 35 qylmystyq topty ustap, zańdy jaýapkershilikke tartty, onyń ishinde 26 top páter urlyqtarymen jáne 9 top mal urlyǵymen aınalysqan.

İshki ister organdarynyń qyzmetkerleri ótken jyldary jasalǵan 281 qylmysty ashty, izdestirýde júrgen 109 qylmysker ustaldy. Zańsyz aınalymnan 59 birlik atys qarýy tárkilengen.

Oblys polıseıleri esirtkimen baılanysty 258qylmysty anyqtady. Onyń 74-i esirtki satýmen baılanysty. Zańsyz aınalymnan 54 keliden artyq esirtki zattary alynǵan. 

Tergeýshiler jáne anyqtaýshylarmen 6,3 myń qylmystyq istiń óndirisi aıaqtaldy. Polısıa qyzmetkerleri azamattardyń jıyny 84 myń ótinishin qarady.

Halyqqa qyzmet etýge, olardyń quqyqtaryn, bostandyqtaryn jáne turǵyndardyń, qoǵamnyń jáne memlekettiń zańdy múddelerin qorǵaýǵa polısıa qyzmetkerleri árqashan mindettilik alyp keledi. 

Dáýren Allabergenuly