«Atameken» QR UKP Tóralqa Tóraǵasy Shyǵys Qazaqstan oblysyna sapary barysynda ákimdik pen ÓKP jumysyna joǵary baǵa berdi.
«SHQO bıligi men kásipkerleri óńirdegi iskerlik ahýaldy birlese jaqsartýda «,-dedi Tımýr Qulybaev. Bul jaıly QR UKP baspasóz qyzmeti habarlady.
Tımýr Qulybaev O.Rypakova atyndaǵy jeńil atletıka ortalyǵynda, Óskemen sút kombınatynda bolyp, sodan keıin Óńirlik keńestiń keńeıtilgen májilisinde óńirdiń bıznes-qoǵamdastyǵymen kezdesti.
«Atameken» basshysy ÓKP qyzmetiniń basym baǵyttaryn aıqyndap berdi.
Májiliske qatysýshylar talqylaǵan basty taqyryptar - memlekettik satyp alýlarda otandyq taýar óndirýshilerdi qoldaý máseleleri, sheteldik ınvestorlardy qoldaý, qadaǵalaýshy organdardyń tekserýleri, qarjylandyrýǵa qol jetkizý problemalary, onyń ishinde áıelder kásipkerligi máseleleri.
«Kásipkerler palatasynyń jumysy klıentke baǵdarlanǵan, taldaý nátıjesinde kásiporyndardyń eń jıi kezdesetin júıelik problemalary boıynsha 2000-nan astam problemalar anyqtaldy», - dep baıandady UKP basshysyna Kásipkerlerdiń óńirlik palatasynyń dırektory Igor Shaskıı.
Otandyq taýar óndirýshilerdiń satyp ótkizýdegi qıyndyqtary, qarjy resýrstary men memlekettik baǵdarlamalarǵa qoljetimdilik, jer ýchaskelerin berý jáne ákimshilik kedergiler, satyp alýlar men jergilikti quram, AÓK-niń problemalyq máseleleri, salyqtyq ákimshilendirý problemalary, saýda, tarıfter - mine, qazir Kásipkerler palatasy belsendi jumys júrgizip jatqan negizgi jaıttar osyndaı.
ÓKP óziniń birinshi kezektegi mindeti - memlekettik satyp alý kelisimshartyn jasaǵannan keıin otandyq óndirýshiniń ónimin qoldanýǵa qatysty tenderden keıingi baqylaýdy uıymdastyrý jáne óndirýshilerdiń jergilikti taýarlyq pozısıalaryn jobalaý kezeńinde engizý.
«Búdjettik salanyń jáne Ulttyq kompanıalardyń taýarlardy jáne jumystardy satyp alýy kezinde qol menedjmentine aýysý qajet», - degen pikirin bildirdi Igor Shaskıı.
ÓKP dırektory Palatanyń qol jetken jetistikterine toqtalyp ótti. Onyń aıtýynsha, olar kepildikke bosatý túrindegi bultartpaý sharasyn ózgertý jónindegi tájirıbeni qoldanýǵa qol jetkizgen, buǵan deıin SHQO-da ol bolmaǵan.
Sondaı-aq, bıznestiń jer komısıalaryna 50%-dyq qatysýy, jer ýchaskelerin berýden bas tartý sanyn 25%-ǵa azaıtýǵa múmkindik berdi.
Bızneske arnalǵan ruqsatnamalyq rásimder salasynda Palata oblys ákimdigimen jáne prokýratýrasymen birlesip artyq qujattar talap etýdi 85%-ǵa azaıtýǵa jáne rásimderdi kórsetý merzimin 15-20% qysqartýǵa qol jetkizdi.
Bıznesti qorǵaý jónindegi jumystyń nátıjeleri dep, sondaı-aq, Palatanyń ótinishi boıynsha 30 laýazymdy tulǵany kásiipkerlerdiń quqyqtaryn buzǵany úshin jaýapkershilikke tartylǵanyn aıtýǵa bolady - ıaǵnı, qylmystyq is qozǵaý, qyzmetinen bosatý, ákimshilik jáne tártiptik jaýapkershilikke tartý.
Oblystyń (óńirlerdiń de) prokýratýrasymen tyǵyz jáne jemisti jumys júrgizilýde.
Sonymen, eseptik kezeńde oblys boıynsha Prokýror janyndaǵy keńestiń 76 otyrysy ótkizilgen, olarda bıznestiń 133 problemalyq máselesi qaralǵan. Qaralǵan ótinishterdiń jalpy sanynyń 60%-y oń sheshilgen.
Palata ókilderi kásipkerlik sýbektileriniń quqyqtaryn sotta qorǵaıdy. Palata ókilderiniń qatysýymen 63-ten astam sot prosesi ótti, onyń 80%-y kásipkerlerdiń paıdasyna sheshildi.
Jas kásipkerler bazasy quryldy. Otandyq taýar óndirýshilerdiń túrli baǵyttar boıynsha tizilimderi qurastyryldy.
SHQO KP bastamasymen oblys aýdandarynda «Barlyǵy alǵys úshin» 12 dúkeni ashyldy.
«Jalpy, Shyǵys Qazaqstan oblysynyń Kásipkerler palatasy jergilikti atqarýshy jáne quqyq qorǵaý organdarymen tyǵyz yntymaqtastyqta jumys isteıdi. Kásipkerlerden túsetin ótinishter sanynyń ótken jyldyń osy kezeńimen salystyrǵanda ósý serpini baıqaldy. Bul Kásipkerler palatasyna degen senimniń óskenin bildiredi. Biz osy senimdi aqtaý úshin qoldan kelgenniń bárin isteımiz», - dep túıindedi óz sózin ÓKP dırektory.
«Meniń oıymsha, bul bılik pen bıznestiń ózara is-qımylynyń jarqyn mysaly. Sizder eshqandaı artyq kúsh-qýatsyz, aqshasyz, qarapaıym qadamdarmen óńirdiń bıznes-klımatyn jaqsartyp otyrsyzdar», - dep Tımýr Qulybaev ÓKP jumysyn oń baǵalady.
