QR İshki ister mınıstriniń orynbasary Iýrıı Ilın jumys saparymen SHQO-da júr. 
Jumys saparynyń maqsaty - Ertis ózenindegi jaǵdaımen, SHQO TJD mekemeleriniń jumysymen tanysý.

QR İİM TJK resmı ókili Rýslan Imanqulovtyń habarlaýynsha, Shyǵys Qazaqstan oblysy ákiminiń orynbasary D. Garıkov, SHQO TJD basshysy R.Nurbatshanov jáne QR İİM TJK jáne oblystyq múddeli qyzmetterdiń jaýapty qyzmetkerlerimen birge ushý barysynda Iýrıı Ilın arnaıy gıdrobeketter sý deńgeıin baqylap otyratyn Qara Ertis ózeniniń jaǵdaıyn baıqaıdy. 
Iý. Ilınniń tóraǵalyǵymen ótken jıynda ol naqty tapsyrmalar berildi. 
«Basty mindetimiz - adamdardyń ómirin orǵaý jáne saqtap qalý, 23-24 maýsymda Ertis ózeninde bolǵan jaǵdaıda azamattyq qorǵanys qyzmeti jumysyn tıisti deńgeıde atqardy», - dedi Iý. Ilın.
Jumys sapary barysynda Iýrıı Ilın oblystyq TJD-nyń tehnıkasynyń daıyndyǵymen tanysty. 
TJD sport manejinde Iý. Ilın Óskemen qalasy ákimdiginiń janyndaǵy jas qutqarýshylar mektebiniń shákirtterimen áńgimelesti. 
Iýrıı Ilın SHQO TJD «Órt sóndirý jáne apattyq-qutqarý jumystary qyzmeti» MM kásibı daıyndyq mektebinde boldy, TJD ardagerler keńesiniń tóraǵasymen kezdesti. 
QR İİM TJK «Qazselqorǵaý» MM oblystyq fılıalynda mınıstr orynbasary qyzmettiń daıyndyǵyn jáne Qazselqorǵaý ókilettiligindegi oryn alýy múmkin tótenshe jaǵdaılardy boljaý jáne onyń aldyn alý boıynsha jumystar nátıjesin baǵalady. 
Sonymen qatar Iý.Ilın QR İİM TJK «Apattar medısınasynyń ortalyǵynda» boldy. 
Jumys saparynyń alǵashqy kúninde Óskemen qalasynyń №2 órt sóndirý bólimine bardy.