Shyǵys Qazaqstan oblysyndaǵy jazǵy balalar lagerlerinde óńirlik úshtildilik baǵdarlamasy aıasynda mektep oqýshylary qazaq, orys, aǵylshyn tilderin oqıdy.

Barlyǵy 450 balaǵa úsh tilde sabaq beriledi. Naqtyraq aıtqanda, jazǵy saýyqtyrý lagerlerinde qazaq, orys jáne aǵylshyn tilderi barlyq úsh maýsym aralyǵynda til mamandary basshylyǵymen oqytylady. 

Máslesen, Zaısan aýdany «Báıterek» lagerinde 150 orys tildi oqýshy «Sıtýasıalyq qazaq tili» kitabynyń avtory Qanat Tasybekovtyń ádistemesi boıynsha qazaq tilin oqıdy. 

«Biz Qazaqstanda turamyz, memlekettik tildi bilýimiz qajet. Bul balalarmen jumys isteıtin keremet múmkindik men úshin. Tilderdi oqytý tásilimniń balalarǵa paıdasy tıedi dep oılaımyn», - dedi ádisteme avtory.

Al orys tilin «Aıýda» lagerinde Tarbaǵataı, Zaısan, Kúrshim aýdandarynan kelgen 150 qazaq tildi oqýshy úırenedi. 

Aǵylshyn tilin «Úrjaraıym» lagerinde 150 oqýshy oqymaq. Balalarǵa sabaqty Fılıppınnen kelgen Rovena Gabýt beredi.