Jeti aıdan beri jalaqy almaǵan mańǵystaýlyq munaıshylar bas kóterdi, - dep habarlaıdy Qamshy.kz 31-arnaǵa silteme jasap.

Mańǵystaýda munaıshylar taǵy bas kóterip jatyr. Aıtýlarynsha, jalaqy almaǵandaryna jarty jyldan asqan. Ken orny ashylǵan kúnnen  bastap qyzmet etip kele jatqan azamattar ózderi qyzmet etetin «Munaı-Ońtústik» kompanıasy  aqymyzdy bere almaı otyr deıdi.

Mańǵystaý oblysyna qarasty Boranqul aýylynyń jumysshylary ózderi qyzmet etetin «Munaı-Ońtústik» ken ornyna basshylaryna narazy. Jarty jyldan beri jalaqylaryn almaǵan azamattardyń biri - Baltabek Isaev. Aıtýynsha jalaqysyz otbasyn asyraýdyń ózi qıynǵa soǵypty.

BALTABEK ISAEV, jumysshy:

- Jeti aıdan beri jalaqy ala almaı osy janymyz qınalyp, bala-shaǵamyzdy asyraı almaı júrgen jaǵdaıymyz bar. Al, endi, osy men sıaqty deni saý azamattardyń bos jumyssyz júrýi jarasa ma?

Jalaqy almaǵandyqtan tal sýǵarýmen  tańyn atyryp júrgen Baltabek sekildi osy aýyldyń azamattary túsirilim tobyn kórgennen janaıqaılaryn joǵary bılikke jetkizýge tyrysty.

DÚISENBAI ZULQASHULY, jumysshy:

- «Munaı-Ońtústik» JSHS jumysshylarymyz, myna turǵandar. Byltyrǵy jyldan bastap, jalaqy-eńbekaqymyzdy alǵan joqpyz. Qazir jeti-segiz aı boldy. Endigi jaǵdaı múshkil.

AMALBAI NYSANBAEV, Jumysshy:

- Basshylar qazir qoqan-loqy kórsetip jumystan shyǵyńdar degen áńgime aıtyp jatyr. Al, jumys isteıtin mestorojdenıede qazir jumys júrip jatyr. Basqa naıýmnyı jumysshylar jaldap qoıǵan. Jasatatyn bolsa myna rabochyılar tur ǵoı, myna jerde. Jasatýlaryna bolady ǵoı. Jatyrmyz segiz aıdan beri.

Eńbekaqylaryn ala almaı ashynǵandardyń aıtýy boıynsha jalaqy almaǵan 40-qa tarta jumysshy bar eken. Al, «Munaı-Ońtústik» jaýapkershilig shekteýli seriktestiniń basshylyǵy bolsa, azamattardyń jalaqysyn berip jatyrmyz dep aqtaldy.

ÁDİL BEKZATOV, «Munaı-Ońtústik» JSHS basshysy:

- Kóp jaǵdaı tabıǵat jaǵdaıyna baılanysty boldy. 2015-2016 jyldyń qysy jyly bolǵandyqtan, Kaspıı teńiziniń deńgeıi kóterilip, apatty jaǵdaı týyndaǵan soń, bizge munaı óndirý qaýipti boldy. Soǵan qaramastan, qolymyzdan kelgenshe tóledik.  Qazir quryltaıshylar men demeýshilerdiń arqasynda 2 aıdyń jalaqysyn tóledik.  Qazir óndiristi qaıta qalpyna keltýige tyrysyp jatyrmyz.

- Mańǵystaý oblysyna qarasty «Munaı-Ońtústik» JSHS munaıshylary jarty jyldan beri jalaqy ala almadyq dep, janaıqaılaryn jetkizdi. Aıtýlarynsha alty aıdan beri aılyq kórmedik degen ashýǵa býlyqqan aǵaıyn barar jer, basar taýymyz qalmady dep muńdaryn shaǵady. Endigi jerde másele túbegeıli sheshimin tappasa Astanaǵa aryz jóneltemiz dep otyr.