Bokstan Olımpıada chempıony, «Astana Arlans» klýbynyń bas menedjeri Serik Sápıev Rıo Olımpıadasynda qazaqstandyq boksshylar kem degende bir altyn medal alady degen úmitte, - dep habarlaıdy Qamshy.kz. BNews.kz – ke silteme jasap.

«Men boljam jasaı almaımyn. Degenmen, Londondaǵy Olımpıadadan joǵary jetististikke jetemiz dep úmittenemin. Altyn medal mindetti túrde bolady. Biraq, qandaı sport túrlerinen alatynymyzdy aıta almaımyn. Búgingi tańda elimizde bokstan myqty ulttyq qurama jasaqtaldy. Barlyq jaǵdaı jasalǵan. Kem degende bir «altyn» alýy kerek», - deıdi Olımpıada chempıony.

Serik Sápıev QR Bokstan ulttyq quramanyń bas bapkeri de «altyn» alýdy josparlap otyrǵanyn aıtady.

«Qıyn bolatyny túsinikti. Biraq, bul olardyń qolynan keledi degen senimdemin. Ózim de Rıo Olımpıadasyna baryp, sportshylarǵa qoldaý kórsetemin», - dep túıindedi ol.

Aıta keteıik, Rıo-de-Janeırodaǵy Olımpıada bıyl 5-21 tamyz aralyǵynda ótedi.