BUU radıosynyń aqparattaryna sáıkes, juma kúni jýrnalıserdiń aldynda sóılegen sózinde BUU-nyń antıterrorlyq komıtetiniń atqarýshy dırektory Jan-Pol Laborde bıylǵy ramazan aıynda  «Islam memleketi» uıymy 16 memlekettiń aýmaǵynda jasaǵan 393 terrorlyq oqıǵa tirkelgenin jarıa etti, - dep habarlaıdy Qamshy.kz.

Búginde dúnıejúzinde 100 memleketten shyqqan 30 myń terrorıst bar eken. Osynsha sandy terrorısterdiń álem úshin úlken qaýip ekeni sózsiz. «Terorızm qaýpi turaqty ári ókinishke oraı, realdy kúıinde qalyp otyr» degen Jan-Pol Laborde, bul qatermen ár memleket jeke kúrese almaıtynyn da eske saldy. «Islam memleketiniń»  áskerı jeńilisine terrorlyq áreketterdiń júzege asýy men uıymnyń múmkindikteri  táýeldi emes. «Islam memleketimen» áskerı qurylym ǵana emes, terrorlyq top retinde kúresý qajet» dedi, komıtet jetekshisi. Jan-Pol Labordeniń aıtýynsha, jýyq arada bul uıym tarapynan taǵy da terrorlyq jarylystar jasalýy ábden múmkin.