Qylmystyń aýyr túrinen dúnıejúzinde birinshi oryn alatyn Meksıkada ótken aptadaǵy demalys kúnderi eki qala meri mert boldy, - dep habarlaıdy Qamshy.kz.
Informador-dyń habarlaýynsha, Gerrero shtatyndaǵy Súdad-Altamırano qalasynyń meri Ambrosıo Sotonyń kóligine qarýly top shabýyl jasaǵan. Shabýyl nátıjesinde qala basshysyn kúzetken eki polısıa qyzmetkeri jaralanǵan. Buǵan deıin málim bolǵandaı, 23 shildede San-Hýan-CHamýlada (Chápas shtaty) qala basshysyna ákimshilikke narazy top arasynan bireý oq atqan. Atys kezinde bes adam qaza bolǵan.
RIA Novostı-diń málimeti boıynsha, jınalǵandar qala basshysynan qoǵamdyq jumystar men qolónershilerdi qoldaýǵa qarjy bólýdi talap etken. Atysta merden basqa eki sheneýnik pen ákimshilik júrgizýshisi jáne qalanyń bir turǵyny mert boldy. Jınalǵandar kóshelerdi jaýyp, bılikten mýnısıpalıtet qarjysynyń jumsalýy týraly esep berýdi talap etken. Polısıa jaǵdaıdy baqylaýǵa aldy.
