OQO-da tártip saqshylary qarý qoldanyp, buzaqylyq jasaǵan 36 jastaǵy kúdiktini ustady, - dep habarlaıdy Qamshy.kz Tengrinews.kz - ke silteme jasap.
2016 jyldyń 19 shildesinde Saryaǵash aýdandyq İİB-ne aýdandyq aýrýhanasyna 1985 jyly týǵan er jigit pen 1986 jyly týǵan qyz bala atys qarýynan alǵan jaraqatpen túskeni jaıly habarlaǵan.
Polıseılerdiń málimetinshe, Jibek Joly aýylyndaǵy kóshelerdiń birinde belgisiz bireýler memlekettik tirkeý nomeri joq Audi avtokóligimen 31 jastaǵy azamattyń sońynan qýyp kelip, oq atqan. Nátıjesinde atys qarýynan jábirlenýshi jáne úıiniń terezesiniń aldynda kezdeısoq turǵan 30 jastaǵy azamatsha qol tusynan dene jaraqattaryn alǵan. Osydan keıin belgisiz bireýler oqıǵa ornynan iz sýytqan.
Bul derek Saryaǵash AİİB-nyń Sotqa deıingi tergeýdiń biryńǵaı reestrine QR QK-niń 293-baby boıynsha ("Buzaqylyq") tirkeldi. Saryaǵash AİİB qyzmetkerleri júrgizgen jedel-izdestirý sharalary kezinde Jambyl oblysynyń 1980 jylǵy turǵyny, osyǵan deıin sotty bolǵan azamat ustaldy. Kúdikti qamaýda. Aıǵaq zattar tárkilendi.
Qazirgi tańda polıseıler oqıǵanyń mán-jaıy men sebepterin anyqtaýda. Bul qylmysqa qatysy bar kúdiktiler izdestirilip jatyr. Sotqa deıingi tergeý amaldary júrip jatyr.
