Almatyda atys jasaǵan Rýslan Kúlikbaevtiń áıeli Aıaýlym Úmbetqulova polısıa qyzmetkerleri ózine qoqan-loqqy jasaǵanyn aıtyp otyr, - dep habarlaıdy Qamshy.kz KTK arnasyna silteme jasap.

Almatyda 6 adamdy atyp óltirgen lańkestiń polıseılerge óshteskenin áıeli de rastady. Aram oıyn tipti túrmede jatyp josparlaǵanyn tergeýshilerge ózi aıtyp beripti. Biraq Aıaýlym Úmbetqulova kúıeýiniń naqty josparyn bilmedim deıdi. Onyń ústine sońǵy kezde úıde de janjal jıilep, tipti áıelin qoqan-loqqy jasap ustap otyrǵan eken. Al ajyrasyp ketýge kelinshektiń júregi daýalamaǵan.

Aıaýlym Úmbetqulova, Rýslan Kúlikbaevtyń áıeli:

-Aıa  basqa bireýge tıip baqytty bolyp ketemin dep oılama dedi. Seni sol baıyńmen qosyp óltirip ketemin dedi. Atyp ketemin degen joq óltirip ketemin dedi. Basqa qalaǵa qashyp ketsem ne isteısiń dedim. Qashyp kete ber, úıińdegi jaqyn bireýdi óltiremin, ákeńdi shesheńdi dedi. Sol kezde sol ólikke kelesiń ǵoı  sol kezde taýyp alamyn dedi. Sol kezde seni de óltiremin dedi.     

Aıaýlymnyń aıtýynsha, kúıeýi kisi óltirýden taısalmaıtyn minezdi túrmeden taýyp kelgen. Polıseılerge shabýyl jasaýdy da sol temir tordyń arǵy betinde jatyp-aq oılastyrypty. Sóıtip, uzaq ýaqyt joǵalyp ketetindi de shyǵarǵan. Sondyqtan Aıaýlym lańkestiń qamalǵanyna qatty qynjylyp otyrǵan joq. Kerisinshe kúıeýiniń kesirinen basy bálege qalyp, tergeýshilerden teperish kórip jatqanyn jaıyp saldy. Qatty qorqyp qalǵan ol ózine quqyqtyq keńes beretin zańgerlerden kómek surap otyr.

Aıaýlym Úmbetqulova, Rýslan Kúlikbaevtyń áıeli:

-SHegip otyrǵan temekisiniń qorabyn laqtyrdy. Sóıtip qoqan-loqqy kórsetip jatyr. Meniń ne kinám bar?  Nege olar meni qınaı beredi?