«Halyqtyń bizge degen yqylasynan qanshalyq úmit artyp otyrǵanyn baıqadym». Bul týraly búgin bokstan Qazaqstan ulttyq quramasynyń bas bapkeri Myrzaǵalı Aıtjanov boksshylardy Brazılıaǵa saltanatty túrde shyǵaryp salý rásiminde málimdedi, - dep habarlaıdy Qamshy.kz QazAqparatqa silteme jasap.
«Biz el namysyn qorǵaýǵa Olımpıadaǵa bara jatyr degendi estip, áýejaıǵa qanshama halyq jınalǵanyn kórip turmyn. Bul birinshiden bizge degen halyqtyń qurmeti. Ekinshiden halyqtyń bizge degen yqylasy. Osydan-aq, elimiz boksshylardan qanshalyq úmit kútetinin baıqaýǵa bolady. Buıyrtsa osy senimdi aqtaýǵa bar kúshimizdi salamyz», - dep atap ótti bas bapker.
Sondaı-aq, tún uıqysyn tórt bólip, tún ortasynda arnaıy shyǵaryp salýǵa kelgen jankúıerlerge alǵysyn bildirdi.
«Men óz atymnan jáne osy quramadaǵy barlyq boksshylardyń atynan bizge aq jol tilep, shyǵaryp salýǵa kelgen barlyq jankúıerlerge, BAQ ókilderine rahmet aıtamyn. Al bizdiń mindet el úmitin aqtap, joǵary jetistikpen oralý», - dedi bas bapker.
Ol Brazılıaǵa jaqsy daıyndyqpen bara jatqanyn aıtty.
«Daıyndyǵymyz da, kóńil kúıimiz de jaqsy. Boksshylardyń barlyǵy babynda. Astanadaǵy sońǵy jattyǵýymyz da jaqsy ótti. Qanat Islam shaqyrtqan AQSH boksshylary jáne ózimizdiń 2-3-nómerli boksshylar jattyǵýlarda jaqsy kómektesti. Endi Rıoǵa baryp, daıyndyǵymyzdy pysyqtaımyz. Buıyrsa, jigitterimiz 6 tamyzdan bastap, sharshy alańǵa shyǵady», - dedi bas bapker Aıtjanov.
Boksshylardy Astana áýe jaıynan attandyryp salýǵa boksshylardyń aǵaıyn-týysy, dos-jarandary jáne jergilikti jankúıerler men birge BAQ ókileri qatysyp, sát-sapar tiledi.
Erler quramasy men áıelder quramasy qurlyqtyń arǵy betine birge attandy.
Osyǵan deıin habarlaǵanymyzdaı boksshylarymyz Rıoda jarysty 6 tamyz kúni bastaıdy. Osy kúni saǵat jergilikti ýaqytpen 11:00-de (Astana ýaqyty boıynsha 20:00) 60 keli salmaqta birinshi bolyp sharshy alańǵa B. Ábdirahmanov shyǵady. Al 17:00-de (Astanada 7 tamyz, 02:00 bolady) 81 keli salmaqtaǵy boksshymyz Á. Nıazymbetov pen 91 keli salmaqtaǵy V. Levıttyń ónerin tamashalaı alamyz.
Jarystyń ekinshi kúni 7 tamyzda 11:00-de (Astana ýaqytymen 20:00) osymen Olımpıadaǵa úshinshi ret qatysqaly otyrǵan eń jeńil salmaq - 49 kelidegi B. Jaqypov óner kórsetedi. Al 17:00-de (Astana ýaqytymen 8 tamyz, 02:00) 81 jáne 91 kelidegi boksshylar synǵa túsedi.
Tamyzdyń 8-i kúni 11:00-de (Astanada 20:00) Qazaqstan ulttyq quramasynyń komanda kapıtany 69 kelidegi D. Eleýsinovtiń jekpe-jegine kýá bolamyz. Osy kúni saǵat 17:00-de (Astanada 9 tamyz, 02:00) taǵy bir batyrymyz J. Álimhanuly sharshy alańǵa shyǵady.
Tamyzdyń 9-y kúni 11:00-de (Astanada 20:00) 60 keli salmaqtaǵy boksshylar arasyndaǵy irikteý jarystary ótedi. Al 17:00-de (Astana ýaqytymen 10 tamyz, 02:00) 75 keli salmaqtaǵy boksshylar men +91 kelidegi boksshylar arasyndaǵy jekpe-jekterdi tamashalaıtyn bolamyz. Bul kúni qazaq boksshylarynyń arasyndaǵy asa aýyr salmaqtaǵy I.Dychko óner kórsetedi.
Tamyzdyń 10-y kúni saǵat 11:00-de (Astanada 20:00) 49 keli salmaq dárejesindegi boksshylardyń shırek fınaldyq básekeleri bastalady. Osy kúni saǵat 17:00-de (Astana ýaqytymen 11 tamyz, 02:00) qazaq boksshylarynan 56 kelidegi Q.Eralıev pen 64 kelidegi A. Júsipov sharshy alańǵa shyǵady. Sondaı-aq, 81 jáne 91 keli salmaqtaǵy boksshylar arasynda shırek fınaldyq básekeler ótedi.
Tamyzdyń 11-i kúni 56, 64, 69, jáne 81 keli salmaqtaǵy boksshylar arasynda irikteý syndary jalǵasady. Tamyzdyń 12-si bokstan qyzdar arasyndaǵy jekpe-jekter bastalady. Bul kúni saǵat 11:00-de (Astanada 20:00) 51 keli salmaqta óner kórsetetin qaryndasymyz J. Shekerbekovanyń ónerin kóre alamyz. Al 13 tamyzda 11:00-de (Astanada 20:00) 52 keli salmaqta O. Sáttibaev sharshy alańǵa shyǵady. Osy kúni saǵat 17:00-de (Astana ýaqytymen 14 tamyz, 02:00) 69 kelidegi boksshylar arasynda shırek fınaldyq dodalar ótse, 91 keli salmaqta jartylaı fınaldyq básekeler ótedi. Al +91 keli salmaqtaǵy boksshylar arasynda irikteý oıyndary ary qaraı jalǵasyn tabydy. Tamyzdyń 14 kúni saǵat 11:00-de (Astanada 20:00) ekinshi boksshy qyzymyz D. Shakımova shyrshy alańǵa kóteriledi.
Al, tamyzdyń 15-i kúni saǵat 11:00-de (Astanada 20:00) 52 jáne 75 keli salmaqtaǵy bokysshylar arasynda irikteý oıyndary jalǵasady. 69 kelide jartylaı fınaldyq oıyndar ótedi. 17:00-de (Astana ýaqytymen 16 tamyz, 02:00) 91 keli salmaqtaǵy boksshylar arasynda fınaldyq oıyndar ótedi. Tamyzdyń 16-sy kúni bokstan áıelder arasynda 51 keli salmaqtan shırek fınaldyq jekpe-jekter ótetin bolady. 17 tamyz saǵat 14:00-de (Astana ýaqytymen 23:00) 75 keli salmaqtaǵy qyzdardyń shırek fınaldyq básekeleri ótedi. Al tamyzdyń 18-i kúni áıelder arasynda 51 keli salmaqtaǵy boksshylardyń jartylaı fınaldyq jekpe-jekteri ótedi.
19 tamyzda saǵat 14:00-de (Astana ýaqytymen 23:00) 75 keli salmaqtaǵy qyzdar jartylaı fınaldyq jekpe-jekterin bastaıdy. 20 tamyzda 14:00-de (Astana ýaqytymen 23:00) 51 keli salmaqtaǵy boksshy arýlar arasyndaǵy fınaldyq dodar bastalady. 75 keli salmaqtaǵy qyzdar arasyndaǵy boksshylardyń fınaldyq jekpe-jekteri 21 tamyz saǵat 14:00-de (Astana ýaqytymen 23:00) bastalady.
