Aqmola oblystyq prokýratýrasy izdeýde júrgen kúdiktilerdiń famılálaryn anyqtady, - dep habarlaıdy Qamshy.kz.
«Aǵymdaǵy jyldyń basynda qarýly qaqtyǵystarǵa qatysty lańkestik qylmys jasaǵan tórt qylmyskerge halyqaralyq izdeý jarıalanǵan bolatyn. Olar: A. Maratuly, O.D. Nurǵalıev, A.D. Qurashov, S.K. Qulanov», - delingen prokýratýra taratqan habarlamada.
Qadaǵalaýshy organ olardyń barlyǵy Sırıadaǵy qarýly qaqtyǵystarǵa qatysý úshin elden ketkenin habarlap otyr.
«Atalǵan tulǵalarǵa qatysty UQKD prokýratýra organdarynyń úılestirýimen QR QK-niń 172-baby boıynsha sotqa deıingi tergeý bastady jáne izdeý jarıalady», - delingen prokýratýra málimdemesinde.
Buǵan deıin Aqmola oblysynda terorızmge qatysy bar tórt kúdiktige izdeý jarıalanǵany habarlanǵan bolatyn.
