Aqtóbe oblysynda jyl basynan bastap 215 radıkaldyq aǵym ustanýshylar dástúrli ıslamǵa bet burdy. Buǵan «Ańsar» konsýltatıvtik-reabılıtasıalyq ortalyq júrgizgen aldyn alý jumysy yqpal etti, - dep habarlaıdy Qamshy.kz QazAqparatqa silteme jasap.
2016 jyldyń basynan bastap «Ańsar» ortalyǵy men medrese qyzmetkerleriniń ishinen qurylǵan teologtar toby radıkaldyq aǵym jeteginde ketkendermen 500-den astam jeke kezdesý ótkizdi. Nátıjesinde 200-den astam adam dástúrli dinge qaıta oraldy.
Qazirgi ýaqytta óńirde dinı ekstremızm men terorızmniń aldyn alýdy kúsheıtý, halyqtyń dinı saýatyn arttyrý boıynsha sharalar qabyldanýda. Alaıda áli kúnge deıin Aqtóbe oblysynda teologtar men ımamdar jetispeıdi. Búginde oblystyń 7 meshitinde ımam joq.
