Túrkıadaǵy tóńkeris áreketi jaıly Astanadaǵy Túrkıa elshiliginde saǵat 14:00-ge josparlanǵan brıfıńke Azattyq tilshilerin tirkemedi, - dep habarlaıdy Qamshy.kz. Azattyqqa silteme jasap.

Bul týraly jýrnalıserdi tirkeýmen aınalysqan Túrik mádenı ortalyǵynyń qyzmetkeri telefonda aıtty. Ortalyqtyń ózin Qasıet dep tanystyrǵan qyzmetkeri Azattyq tilshisine "jýrnalıser sanynyń shekteýli ekenine baılanysty tizimge syımaı turǵanyn" aıtty.

Azattyq tilshileri josparly brıfıńke keshe ótinish bildirgen bolatyn. Túrkıa elshiliginiń aty-jónin tolyq ataǵysy kelmegen qyzmetkeri Azattyqqa brıfıńe qatysatyn jýrnalıserdi Túrkıanyń Qazaqstandaǵy elshisi Nevzat Ýıanyktyń ózi tańdaıtynyn aıtty.

- Ony elshiniń ózi aıtady. Qaı BAQ-tan kim keletinin ózi tańdaıdy, - dedi ózin hatshy Ermahan dep qana tanystyrǵan elshilik qyzmetkeri.

16 shildege qaraǵan túni Túrkıada áskerılerdiń bir bóligi memlekettik tóńkeris jasamaq bolyp, bılik ony basyp tastaǵan. Búlikkke qatysy bar, Gúlenmen baılanysty degen kúdikpen birneshe myń adam ustalyp, ondaǵan myń adam jumysynan bosatylǵan. Resmı Ankara AQSH-tan Gúlendi ekstradısıalaýdy suraǵan. Gúlen búlikti aıyptap, oǵan óziniń qatysy baryn joqqa shyǵarady. Túrkıanyń birqatar elderdegi elshileri tóńkeris áreketi men «gúlenshilerdi» qýdalaýǵa» shaqyrǵan málimdemeler jasaǵan bolatyn.