Taý-ken salasyndaǵy kásiporyndar aǵymdaǵy shyǵyndaryn jabýda qıyndyq kórýde, - dep habarlaıdy Qamshy.kz kapital.kz derekterine silteme jasap.

Ústimizdegi jyly táý-ken ónerkásibi ınvestısıalyq, operasıalyq jáne qarjylyq shyǵyndaryn jabýǵa qajet qarjy tapshylyǵyn sezinýde. 2016 jylǵy birinshi toqsan qorytyndysy boıynsha iri jáne orta shıkizat óndirýshi kásiporyndardyń túsimi shyǵystarynan 25 mıllıarda kem ekenin aıtady Finprom.kz sarapshylary.

Qarjynyń keri saldosy byltyrǵy qańtar-naýryz aralyǵyndaǵy kórsetkishtermen salystyrǵanda tómen bolyp otyr. Mundaı kórsetkish 2009 jylǵy daǵdarys kezinde baıqalǵan bolatyn.

Bir sózben aıtqanda, iri jáne orta shıkizat óndirýshilerdiń jalpy tabysy tómendeýde. 2016 jyldyń qańtar-naýryz aılarynda osy saladaǵy taza tabys 507 mıllıard teńgeni quraǵan. Bul 2015 jyldyń birinshi toqsanyndaǵy kórsetkishten 15 paıyzǵa joǵary bolǵanymen, 2011-2014 jyldardyń atalǵan kezeńindegi deńgeıden áldeqaıda tómen.

Taý-ken ónerkásibi kásiporyndarynyń basty túsimderi (87 paıyz) negizgi qyzmet esebinen quralady. 2015 jyldyń qańtar-naýryz aılarymen salystyrǵanda satýdan túsken aqsha 13 paıyzǵa artqanymen, onyń jalpy kólemi 2011-2014 jyldardaǵy kórsetkishterden tómen bolyp otyr. Ortasha alǵanda operasıalyq qyzmet kiristeri shıkizat baǵasynyń joǵary kezindegi deńgeıden 20 paıyzǵa qalyp keledi.

Aǵymdaǵy jyly taý-ken kásiporyndary byltyrǵydan góri nesıeni az alyp otyrǵany baıqalady. Qarjylyq qyzmetten túsken túsim somasy 2015 jyldyń birinshi toqsanynan 37 paıyzǵa tómen.

Investısıalyq túsimder de 31 paıyzǵa kemip, 61,7 mıllıard teńgeni quraǵan.

Alaıda, shyǵyndardyń ekonomıkanyń turaqty (2011-2014 jyldardaǵy) kezeńindegi deńgeıden kemimegeni baıqalady.