Budan bylaı bank boryshkerleri kepilge qoıylǵan úılerinen qýylmaıdy. Bank ózine qaryz adamdarmen mámilege kele bastady, - dep habarlaıdy Qamshy.kz 365info.kz - ke silteme jasap.

Bul týraly QR Ulttyq banktiń baspasóz qyzmeti habarlady.

Osyǵan deıin úılerin kepilge qoıǵan azamattardy jalǵyz baspanasy bolsa da úıinen kúshtep shyǵarylyp kelgen. Osyny toqtatý úshin Ulttyq bank, ekinshi deńgeıli bankter men Almaty ákimdigi, qoǵamdyq birlestikter bolyp tórt jaqty mámilege qol qoıyldy.

Mámilege sáıkes, endi 3 aı merzim ishinde nesıesin qaıtara almaı júrgender bankke kelip, basyndaǵy jaǵdaıymen bólisýi tıis. Alaıda, bul boryshker nesıesin tólemeıdi degen sóz emes. Tek shamasyna qaraı tóleý sharttary jumsartylady.

Qazirgi tańda elimizde áne-mine úıinen qýylýǵa shaq otyrǵan 40 myńǵa jýyq otbasy bar. Al tórt jaqty qol qoıylǵan qujat osy túıtkildi sheshýge septigin tıgizedi.

— Boryshker óz erkimen bankke kelip, qarjylyq qıyndyqtary baryn ashyq aıtýy tıis. Osylaı bola tura, qaryzyn óteýden bas tartpaıtyndyǵyn bildirse, bank ókilderi oǵan túsinistikpen qarap, ár boryshkerge qaryzdy óteýdiń joldaryn birlesip qarastyratyn bolady — dep túsindirdi Ulttyq banktiń basqarma basshysy Aleksandr Terentev.