Almaty polısıasy bir baǵytty jolda qarama-qarsy júrgen júrgizýshi men oǵan eskertý jasaǵan jaıaý júrginshini izdestirýde, - dep habarlaıdy Qamshy.kz qalalyq İİD baspasóz qyzmetine silteme jasap.
-İİD basshylyǵynyń buıryǵy boıynsha, jergilikti polısıa qyzmetine vıdeodaǵy oqıǵaǵa qatysýshylardyń jeke basyn anyqtap, jaǵdaıdy bilip, zańdy baǵa berý tapsyryldy. Zańbuzýshylyqtar anyqtalǵan jaǵdaıda zańǵa sáıkes sharalar qoldanylady, - vedomstvodaǵylar.
Esterińizge sala keteıik, Almaty qalasyndaǵy birbaǵytty kóshelerdiń birinde qarsy betke shyǵyp ketken jigittiń eregesi beınelengen ">vıdeo jarıalanǵan edi.
«Myna oqıǵany sizdermen bóliskim keledi. Búgin keshki saǵat 17:40 shamasynda kúıeýimmen birge Saryarqa kınotaetry men bazardyń ortasyndaǵy birbaǵytty jol belgisi qoıylǵan kóshemen kele jatqanbyz. Qarsy betten bir er azamat óz kóligimen qarsy jolyǵyp, bizden ózin ótkizýimizdi surady. Qalaı bolǵanyn vıdeodan kórip alarsyzdar», - dep jazǵan edi vıdeonyń avtory Ekaterına Saǵymbaeva.
