Búgin Astanada brıfıń ótkizgen Túrkıanyń elimizdegi Tótenshe jáne ókiletti elshisi Nevzat Uıanyq Túrkıanyń túrik lıseılerine qatysy joqtyǵyn aıtyp, Qazaqstan basshylyǵynan eldegi qazaq-túrik lıseıleriniń qyzmetin toqtatýǵa kómek suraǵan bolatyn, - dep habarlaıdy Qamshy.kz.
«Resmı túrde Túrkıa úkimetiniń qoldaýymen ashylǵan oqý orny ol – Ońtústik Qazaqstan oblysynda, Túrkistan qalasyndaǵy Iassaýı atyndaǵy Halyqaralyq qazaq-túrik ýnıversıteti. QR aýmaǵynda jumys istep turǵan, «qazaq-túrik mektebi» jáne «qazaq-túrik lıseıi» ataýyna ıe qalǵan oqý oryndary bizdiń eldiń memlekettik organdaryna eshqandaı qatysy joq», - degen ol atalǵan oqý oryndarynyń ári qaraıǵy qyzmeti týraly sheshim qabyldaý QR Bilim jáne ǵylym mınıstrliginiń quzyrynda ekenin aıtty.
Elshi Túrkıamen dostyq qatynas ornatqan barlyq elderdi tóńkeris áreketinen keıin ózderin qoldaýǵa shaqyrdy.
«Tóńkeris áreketi bizdiń eldiń demokratıalyq qurylymyna baǵyttalyp qana qoımaıdy, ol basqa elder úshin de eskertý bolyp tabylady», - dedi óz sózinde Nevzat Uıanyq.
Al, ekonomıs Oljas Qudaıbergenov túrik elshisiniń bul málimdemesin Qazaqstannyń ishki isine aralasý dep baǵalap otyr.
«Elshi sózine qarasaq, túrik bıligi QTL-ǵa (qazaq-túrik lıseıi – red.) qysym jasaýdy oılaǵan sıaqty. Biraq, bul Qazaqstannyń ishki 
isine aralasý bolyp tabylady. Onyń ústine, eger QTL Túrkıaǵa qatysy joq bolsa, onda olar nege QTL týraly bastaryn qatyrady jáne bizden ol lıseılerge qatysty sheshim kútedi? Elshiniń oıynsha, kez-kelgen mekeme ataýynda «túrik» sózin qoldaný úshin ruqsat suraýy kerek pe? Eger QTL «túrik» sózinen bas tartsa, elshi myrza sabasyna túsip, qazaq lıseılerin jaıyna qaldyra ma?», - degen O. Qudaıbergenov atalǵan oqý oryndaryndaǵy qarjylandyrý sheteldikterdiń balalaryn oqytý aqysyn qospaǵanda, 100 paıyz jergilikti búdjetten qarastyrylatynyn, muǵalimderiniń de ózimizdiń eldiń azamattary ekenin aıtady.
Ekonomısiń pikirinshe, qazaq-túrik lıseılerin jabý arqyly Qazaqstan óz azamattaryna zıan keltiretin kórinedi.
Sondaı-aq, O. Qudaıbergenov Túrkıada bolyp jatqan jaǵdaılar bizdiń ishki isimizge áser etpeýi kerektigin aıtady.
«Álde, elshi myrzaǵa, túrik bıligine bizdiń jaıymyz mańyzdy emes pe? Olar óz maqsattaryna jetý úshin bizdiń azamattarymyzdy qurban etpek pe? Qazir Túrkıada bolyp jatqan jaǵdaılar Qazaqstanǵa áser etpeýi kerek, kerisinshe, Túrkıanyń Qazaqstandaǵy elshisi shynymen dostyq pıǵylda bolsa, osyny birinshi kezekte nazarda ustaýy tıis. Men elshilik tarapynan bizdiń ishki isimizge aralasýdyń kez-kelgen áreketi tyıylady degen senimdemin», - deıdi ekonomıs.
