Almatylyq dárigerler men polıseıler jappaı aǵylshyn tilin úırenip jatyr. 2017 jylǵy Qysqy Ýnıversıada oıyndary kezinde qyzmet etetin olar halyqaralyq tilge de jetik bolýy kerek, - dep habarlaıdy Qamshy.kz KTK arnasyna silteme jasap.

Ádette aq halatpen júretin dárigerler qaıtadan partaǵa otyrǵan. Qazirgi ýaqytta 130 medısına qyzmetkeri qaladaǵy 4 birdeı joǵarǵy oqý ornynda aǵylshynsha úırenip jatyr. 1-shi jeltoqsanǵa deıin 400 maman tilin jetildirip shyǵýy tıis. Ózge tildi jyldam úırený úshin olar arnaıy baǵdarlamamen oqytylýda. Iaǵnı, oqý barysy dene músheleri, aýrý túrleri, emdeý joldary syndy medısınanyń negizgi termınderi aıasynda ótip jatyr. Aq halattylardan bólek, polısıa men tótenshe jaǵdaı mamandary da shet tilin jetik meńgerýge kirisken.

Nurjan Ábilqaıyr, 2017 jylǵy Qysqy Ýnıversıadaǵa daıyndyq dıreksıasy memlekettik qory dırektorynyń orynbasary:

-2011 jylǵy Qysqy Azıa oıyndarynyń tájirıbesin negizge aldyq. Til úırenýshiler arasynda jańadan bastap jatqandar da bar. Biraq soǵan qaramastan,bekitilgen merzim ishinde qajetti mamandardy aǵylshyn tilinde daıarlap úlgeremiz dep otyrmyz.