Almatyda er adam turǵyndarǵa qarý kezengen, - dep habarlaıdy Qamshy.kz KTK arnasyna silteme jasap.
Qolyna qarý ustaǵan azamat Respýblıka alańynyń mańyndaǵy úı turǵyndardy qorqytqan.
Buzaqy birinshi osy mańdaǵy dámhanalardyń birine kirip, qyzmetshisimen sózge kelipti. Tapanshany da sol sátte shyǵaryp, qoqan-loqy jasamaqshy bolǵan. Biraq polısıaǵa qońyraý shalynǵanyn estigen soń izin sýytýǵa asyqqan. Kóshege júgirip shyqqan tentek jol jónekeı qarýyn adamdarǵa kezenipti. Jedel jetken polıseıler buzaqyny tutqyndap, pnevmatıkalyq tapanshany tárkiledi. Qaltasynda oıynshyq tapansha da bolǵan. 47 jastaǵy azamat kórshi úıdiń turǵyny eken. Tań atpaı araqqa toıyp alǵany sonsha, óziniń áreketine qatysty sol kúıi túsinik bere almady.
