Juma kúni Almatynyń Medeý aýdandyq №2 sotynan aıyptalýshy qashyp ketken, - dep habarlaıdy Qamshy.kz ratel.kz – ke silteme jasap.

Keshe keshki bester shamasynda eki polısıa serjantynan turatyn konvoı aýdandyq sotqa urlyq jasady dep aıyptalǵan 1991 jyly týǵan D. Dosmaǵambetov degen kúdiktini qamaýǵa sanksıa alý úshin jetkizgen.

Konvoı D. Dosmaǵambetovty sot ǵımaratynyń astyndaǵy kameraǵa jaýyp, ózderi qaraýyl bólmesine ketip qalǵan. Sol sátte sot jertólesinde dánekerleý jumystary júrgizilip jatqandyqtar, kamera ornalasqan jer qatty tútin bolǵan kórinedi. Polıseı kamera esigin qulyppen emes, kisenmen jaýyp, qatelik jasaǵan.

Polıseıler taza ýaý jutqanda, kúdiktiniń de durystap tynystaǵysy kelse kerek, kisen-qulypty ashyp, taıyp turǵan.

Qazir Almaty qalalyq İİD ishki qaýipsizdik basqarmasy osy oqıǵaǵa baılanysty qyzmettik tekseris júrgizýde.

Sot ǵımaratynan qashyp ketken kúdikti Dosmaǵambetov Dýnes Omongeldıevıch 1991 jyly Ózbekstannyń Sýrhandarıa oblysynda týǵan. 2013 jyly QR QK 175-babymen, 2016 jyly QR QK 188-babymen qylmystyq jaýapkershilikke tartylǵan. Asa qaýipti qylmysker sanalady.