Qazaqstanda Qazaq-túrik lıseıleri (QTL) óz jumysyn jalǵastyrady, - dep habarlaıdy Qamshy.kz Bilim jáne ǵylym mınıstrliginiń baspasóz qyzmetine silteme jasap.

«Qazaq-túrik lıseıleri (Qazastanda barlyǵy 27 memlekettik QTL bar - red.) burynǵysynsha jumys jasaıdy. Oqýshylar men ata-analarǵa aýysý úshin jańa mektep izdeýdiń qajeti joq», - deıdi mınıstriktiń resmı ókili Áıgerim Álibekova.

Mınıstrlik ókiliniń aıtýynsha, QTL-de oqytý saıasaty Túrkıa baǵdarlamasyna emes, jergilikti jáne halyqaralyq bilim berý standartyna negizdelgen.

QTL qyzmetin retteıtin Halyqaralyq «KATEV» qoǵamdyq qory, Qazaqstan men Túrkıa prezıdentteri N.Nazarbaev pen T.Ózal  arasyndaǵy ekijaqty kelisim negizinde qurylǵan.

Sondaı-aq, mınıstrdikiń málimetinshe, QTL ózi jumys istegen barlyq jyldarda oqýshylardyń joǵary úlgerimin kórsetken, elimizdegi orta bilim berý oryndaryndaǵy kóshbasshylardyń biri bolyp tabylady. Sońǵy úsh jylda QTL oqýshylary 5327 medal jeńip aldy. Sonyń ishinde 986-y Brazılıa, AQSH, Reseı, Ońtústik Koreıa, Qytaı, Rýmynıa, Kanada, Grekıa, Grýzıa, Germanıa jáne Japonıa elderinde ótken Halyqaralyq olımpıadalarda alǵan.

«QTL-de 1124 oqytýshy jumys isteıdi, onyń 1030-y Qazaqstan azamattary (91,7%), 94-i (8,3%) Túrkıa azamattary.

QTL qazaq tilinde oqytatyn daryndy balalarǵa arnalǵan oblystyq lıseı-ınternat bolyp tabylady.

Bıylǵy jyly QTL-dy 1634 bala támamdaǵan. UBT boıynsha ortasha bal 102,3 bal boldy. UBT-2016 qorytyndysy boıynsha barlyq QTL «Respýblıkanyń úzdik 100 mektebi»  tobyna kirdi.

QTL-dyń osy jylǵy túlegi Aıdos Qabylda Loıonosov atyndaǵy MMÝ-niń «Jyl stýdenti» atandy.

QTL-da tárbıe jumysy Qazaqstan Respýblıkasynyń úzdiksiz bilim berý tárbıesiniń konsepsıasymen sáıkes, "Máńgilik el" jalpyulttyq ıdeıasymen jáne Prezıdenttiń Joldaýlarymen sáıkes júzege asyrylady» , - dedi mınıstriktiń baspasóz qyzmeti.

"KATEV" qorynyń ókilderi QTL men "KATEV" qorynyń ózge eldiń úkimetterimen, uıymdarymen jáne jeke tulǵalarymen baılanysy joq ekenin málimdedi.