Kóptiń kózinshe óz áıelin tirideı órtep jibergen Qanat Sádýov endi túrmede otyryp jetim qalǵan ul-qyzyna mıllıondaǵan ótemaqy tóleýi tıis. Astana soty osyndaı sheshim shyǵardy, - dep habarlaıdy Qamshy.kz KTK arnasyna silteme jasap.

Marqum Svetlana Sádýovanyń úlken uly men naǵashylary azǵynnan materıaldyq ótemaqy talap etip, aryz jazǵan bolatyn. Sot olardyń shaǵymyn qoldap, Qanat Sádýovke 11 mıllıon teńge ótemaqy tóleýdi mindettedi. Bul qarjy astanalyq ustazdyń artynda qalǵan tórt balasy men týǵandaryna moraldyq shyǵyn retinde úlestiriledi. Esterińizge salsaq, Qanat Sádýov byltyr mamyrda Elordadaǵy mekteptiń janynda  muǵalim áıeliniń ústine benzın quıyp jaǵyp jibergen edi. Órtke oranǵan kelinshek aýrýhanada jatyp  kóz jumdy. Keıin qaskóıdiń jıyrma jyl boıy jaryn aıaýsyz uryp-soǵyp kelgeni belgili boldy. 18 jylǵa bas bostandyǵynan aıyrylǵan Qanat Sádýov qazir qatań tártiptegi kolonıada jazasyn óteýde.