Tanymal telejýrnalıst, qoǵam belsendisi Berik Ýálı QR Investısıalar jáne damý mınıstrligine qyzmetke bardy, - dep habarlaıdy Qamshy.kz.

Berik Ýálı mınıstrdiń keńesshisi ári qoǵammen baılanys bóliminiń meńgerýshisi bolyp taǵaıyndaldy.

«Qazirgi tańda mınıstrlikte Aqparattyq qamtamasyz etýmen aınalysatyn arnaıy departament qurylýda. Aldaǵy ýaqytta mınıstrlik osy departament arqyly qoǵammen baılanysty kúsheıtýdi kózdep otyr. Berik Ýálı jýrnalısıka salasynda jınaǵan tájirıbesin sońǵy jyldary memlekettik qyzmette de tıimdi ushtastyryp keledi. OQO ákimi apparaty basshysynyń orynbasary - baspasóz qyzmetiniń basshysy, OQO ishki saıasat jáne din isteri basqarmasynyń basshysy, «Nur Otan» partıasy Tóraǵasy Birinshi orynbasarynyń keńesshisi qyzmetterin abyroımen atqardy. Óz kezegimizde Berik Ýálıdi jańa qyzmetimen quttyqtap, mınıstrliktiń jumysyn halyqqa jaqyndatýǵa baǵyttalǵan ıgi isterdiń bastamashysy bolady dep senemiz», - deıdi QR Investısıalar jáne damý mınıstri Jeńis Qasymbek óziniń Feısbýktegi paraqshasynda.