Qamshy.kz Aqmola oblysy Ereımentaý aýdany Ádilet basqarmasy bergen «Týý týraly qaıtalama kýálikten» qate shyqqanyn jazǵan bolatyn. Sol materıalǵa baılanysty óńirdegi ókiletti organdardan jaýap keldi.
«Týý týraly qaıtalama kýálik bergen kezde balanyń týǵan jeri qate jazylǵany týraly aqparatqa qatysty Aqmola oblysy Ádilet departamenti kelesini habarlaıdy: bul fakt bir jyl burynǵy, ıaǵnı 2015 jylǵy talqylaý nysanasy bolyp tabyldy.
29.07.2015 jyly «Ereımentaý aýdanynyń jumyspen qamtý jáne áleýmettik baǵdarlamalar bólimi» Memlekettik mekemesimen qaıtalama 28.07.2015 jyly jazylǵan №3831345 týý týraly kýáligi berildi. Kýálik balanyń turǵylyqty meken-jaıy boıynsha: Ereımentaý aýdany Óleńti aýylyna balanyń anasyna tabys etildi», - degen Amqola oblystyq Ádilet departamentindegiler olqylyqtyń orny byltyr-aq toltyrylǵanyn aıtyp otyr.
