AQSH Lıvıadaǵy "Islam memleketi" (IM - QR aýmaǵynda qyzmetine tyıym salynǵan uıym - red.) terorıstik uıymy ornalasqan jerge osy eldiń ótinishi boıynsha, BUU-nyń qoldaýymen áýe shabýyldaryn jasady. Lıvıa úkimeti sodyrlardy Sırt qalasynan qýyp shyǵý úshin AQSH-tan kómek suraǵan, - dep habarlaıdy Qamshy.kz centralasian.org – ke silteme jasap.

"Birinshi áýe soqqylary Sırttaǵy belgilengen jerlerge jasaldy. IM-niń aıtarlyqtaı músheleri joıyldy", – dep málimdedi Lıvıa premer-mınıstri Faız Saradj memlekettik telearnalar arqyly.

AQSH prezıdenti Barak Obama áýe shabýyldaryn qoldady dep habarlady Aq úı. Obama mundaı sheshimdi qorǵanys mınıstri Eshton Karter men qarýly kúshter shtab basshylarynyń komıtet tóraǵasy Djozef Danfordpen keliskennen keıin qabyldaǵan. Pentagon tóraǵasy Pıter Kýk áýe shabýyldary aıaqtaldy dep málimdedi.

"Islam memleketi" ekstremıstik toby Sırt qalasyn ótken jyly basyp alyp, IM-niń Sırıa jáne Iraktaǵy negizgi bazasy etken.