2016 jyldyń 1 tamyzynda «Býrabaı» ulttyq parkinde balalar arasynda álem rekordsmeni, keýdeni jerden kóterýden jáne maksımaldy ýaqytqa «planka ustaýdan» Qazaqstan rekordtar kitabynyń tórt márte rekordsmeni Amır Mahmet bizdiń Olımpıadalyq quramaǵa qoldaý retinde jańa rekord ornatty, - dep habarlaıdy Qamshy.kz.
10 jasar Amır keýdesen jerden 1000 ret kóterip, Qazaqstan boıynsha absolútti rekord ornatty. «Bólektaý» shyńynda oryndaǵan rekordyn Amır Qazaqstannyń Olıpıadalyq quramasyna qoldaý kórsetý maqsatynda ornatty.
Rekord KInES Qazaqstan rekordtar kitabynyń resmı ókili Qýandyq Qudaıbergenovtyń tarapynan tirkeldi.
Jastyǵyna qaramastan Amır Mahmet búginde KInES Qazaqstan rekordtar kitabynyń tórt márte rekordsmeni bolyp tabylady. Alǵashqy rekordyn ol 2015 jyldyń 1-shi maýsymynda «Balalardy qorǵaý kúni» merekesine oraı Bar Bars komandasy tarapynan uıymdastyrylǵan Street Workout boıynsha jazǵy maýsymynyń ashylýynda keýdesin jerden 450 ret kóterip ornatqan bolatyn. Ekinshi rekordyn Amır Street Workout-tan ótken Aqmola oblysynyń chempıonatynda keýdesin jerden 30 mınýtta 50 ret kóterip oryndaǵan! Al úshinshi rekordyn jas sportshy 2015 jyldyń qyrkúıeginde Qazaq handyǵynyń 550 jyldyq mereıtoıy aıasynda keýdesin jerden 550 ret kóterip ornatty. Tórtinshi, balalar arasyndaǵy álemdik rekordyn Amır bokstan kásibıler arasynda álem chempıony Gennadıı Golovkınniń Domınık Ýeıdpen ótetin jekpe-jegine qoldaý retinde ornatty.
Amır Astanadan birneshe shaqyrym jerde ornalasqan Qajymuqan aýylynyń turǵyny. Qazirgi tańda ony túrli televızıalyq baǵdarlamalar men sporttyq is-sharalarǵa qatysýǵa jıi shaqyrady. Salaýatty ómir saltyn berik ustanǵan Amır ózgelerdi de sportpen shuǵyldanýǵa shaqyrady!
Amır — sportty serik etken Mahmetovter áýletiniń jarqyn ókilderiniń biri. Aǵasy Aıdar Mahmetov, QR-nyń eńbek sińirgen sport sheberi, karate jáne MMA-dan 3 márte álem chempıony, jıý-jıtsýdan 3 márte Eýropa chempıony, atasy Álimjan Mahmetov sporttyń alty túri boıynsha razrád ıegeri bolyp tabylady. Taǵy bir aǵasy, bokstan QR-nyń chempıony Azat Mahmetov «Astana Arlans» komandasynyń sapyna kiredi, sondaı-aq bokstan Qazaqstan quramasynyń múshesi. Oqýda da, sportta da alda bolý – bul áýlettiń berik ustanǵan basty qaǵıdasy.
