Bahreınde seksýaldyq quldyqqa túsken Qazaqstan azamatshalary bosatyldy, - dep habarlaıdy Qamshy.kz Qazaqparatqa silteme jasap.
Bul týraly QR SİM baspasóz hatshysy Ánýar Jaınaqov málimdegen.
«Bahreınde seksýaldyq quldyqqa túsken Qazaqstan azamatshalary bosatyldy jáne búgin Qazaqstanǵa jetkizildi», - dep atap ótti ol.
Aıta keteıik, buǵan deıin Bahreınde Qazaqstannyń eki azamatshasy quldyqqa túskeni týraly habarlanǵan bolatyn.
Qazaqstannyń Saýd Arabıasyndaǵy jáne Bahreındegi elshisi Bahyt Batyrshaevtyń aıtýyna qaraǵanda, elshilikke úsh azamatshanyń ata-anasy habarlasyp, Bahreınde olardyń qyzdary quldyqqa túskeni týraly málimdegen. Quqyq qorǵaýshylar qazaqstandyqtar týraly tergeý jumystaryn bastaǵan.
