Almatyda 18 jastaǵy mektep túlegi Juldyz Ermanova joǵalyp ketti, - dep habarlaıdy Qamshy.kz.
Qyzdyń ápkesiniń aıtýynsha, Juldyz 1 tamyz kúni keshki 18.00 shamasynda úıden shyǵyp ketip, qaıta oralmaǵan.
"Juldyz Melomen kitap dúkenine jıi baratyn. Biraq ol kúngi beınekameraǵa túspegen. Sáýir aıynda 18 jasqa tolǵan sińilim bıyl mektep támamdap, oqýǵa túsýge daıyndalyp júrgen" degen ápkesi onyń kezdesip júrgen jigiti joq ekenin, tipti dostaryna da barmaǵanyn aıtty.
Qyzdyń erekshe belgileri: erekshe ádemi, shashy uzyn, kózinde sheti qara kózildirigi bar. Sol kúni djıns pen qara jeıde kıgen.
Qazir qyzdy jaqyndary men Almaty polısıasy izdestirýde. Ápkesiniń qurbysy boıjetkendi izdeýge eriktiler de jınaýdy josparlap jatyr.
